Levhi 7:19 - Bhiblia Yo Sawuleka

¹⁹ Se nyama yi yi gwesako tximaha txo yila, kha yi na kudyiwa, yi fanete kutshotshwa ha mndiloni yi txi hiswa. Aniko awule a nga lulama wa sikota kudya nyama ya mhamba.

Levhi 7:19 Referans Kwoze

Titosi 1:15

Ka vava va nga basa timbilu, sotshe si basile, aniko ka vava va nga mbi basa, kuwalo txo basa: Mapimo ni livhalo lawe si onhekile.

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

Varoma 14:20

U nga hasamule mthumo wa Txizimu ngu mhaka ya sakudya. Kha ditshuri sotshe silo si basile; aniko si bihile ngako m'thu a txi dya kambe a txi khuvekisa mmwani.

Varoma 14:14

Na tiziva ni va ni kholwa ngu ka Mkoma Jesu, ti to kha ku nga ni txilo txi txi nga mbi basa ngu wutumbu wa txona; ngako m'thu a txi alakanya ku tximaha txokari txi nyenyezile: Kwakwe kha txa basa.

Mithumo 10:28

Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Levhi 6:27

Ni txihi txile txi no gwesa nyama yile, txi na sawuleka; ngako mnoha wa kona wu txi xwayela txyambalo txa m'thu wokari, u na kuwula txile txi nga txabwaketelwa, ka wukhalo wo sawuleka.

Levhi 7:18

Nguko m'thu a txi dya nyama ya mhamba ya mpatano, ayi yi no sala, ka ditshiku da wuraru, mhamba yoneyo kha yi na mbi amukelwa ngu Txizimu, yi na va i si nga yo vhuna txilo; i nyama yo onheka, ni wule a nga yi dya a na rwala mnandu wa kona.

Levhi 7:20

Kambe ngako m'thu wokari a sa lulama, a txi dya nyama ya mhamba ya mpatano, ayi yi nga mahwa mningelo ka Mkoma, a na tutumiswa ka va ka kwawe.