Levhi 7:17 - Bhiblia Yo Sawuleka

¹⁷ Ka ditshiku da wuraru, nyama yi yi nga sala ha ka mhamba, yi na vekwa ha txikho yi txi hiswa ngu mndilo.

Levhi 7:17 Referans Kwoze

Eksodha 12:10

Ni txa tximwetxo txi nga sale kala mangwanani ka kona, ngako ku txi sala txokari, mi nata txi hisa mangwanani ka kona ni mixo ha mndiloni.

1 Vakorinto 15:4

A keletwe, e tshumela e wuka ngu ditshiku da wuraru, nga ti yi wombako yona Mibhalo.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Levhi 19:7

Asi sidyiwako ka ditshiku da wuraru, soneso sa yila, asi si mahako ti to mhamba ya kona yi si tumelelwi.

Levhi 10:16

Konako, Mosi a to wotisa ti va nga maha ngu mabhongwe wa mhamba yo divalela txionho, aniko ene mabhongweyo na a ti hisilwe. Mosi a to henya ngutu e henyela Eleyazari ni Itamari, vanana va Aroni, avale va nga ti sate va txi hanya, a txi khene:

Eksodha 29:14

Aniko, nyama ya dirole, didhowo da kona ni mswanye wa kona, u na ya si hisela hahanze ka wugovelo. Awuwa mphaxo wo dihela sionho.

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Genesisi 22:4

Ngu ditshiku da wuraru, Abrahamu, a di gute maso, a to wu wona wukhalo wule, a di ngadi kule.

Eksodha 29:34

Nga ti ku txi sala kala mangwanani ka kona didhawa da nyama ni mapawu a kona, asi si nga mahwa mningelo wa kuningelisiswa, u na si hisa ha mndiloni; kha si na mbi dyiwa, nguko nzilo so katekiswa.

Levhi 19:6

Mi fanete kudya mhambeyo, ka ditshiku dile mi phaxako ngu dona, mwendo ka ditshiku da mangwanani ka kona, asi sisalako kala ka ditshiku da wuraru, si fanete si txi hiswa ha mndiloni.