Levhi 7:12 - Bhiblia Yo Sawuleka

¹² Ngako i di mhamba ya kubonga, ni miphaxo ya kubonga kufanete kuningelwa sibhubhutela so mbi tshumbelwa, so vhuwa ni mtona ni sibhubhutela so mbi tshumbelwa ni sona, aniko so thelwa mtona, hambi ni sibhubhutela so mahwa ngu mpupu wo vhuwa ni mtona.

Levhi 7:12 Referans Kwoze

Mitengo 6:15

A na neha txirundu txa kutala ngu mapawu o mbi tshumbelwa, ni mpupu wo tshura wo kanyangwa ngu mtona, ni mapawu, sa kwa mbi tshumbelwa, so totwa ngu mtona, ngu txitimwi ka eso, a na tisa mningelo wa sakudya, ni sa kusela.

Levhi 2:4

Se ngako wu txi mahwa mningelo wa sakudya so bhikwa, ku na mahwa sibhubhutela ngu mpupu wa wunene, wo mbi tshumbelwa, wo vhuvwa ni mtona, ni sibhubhutela so mbi tshumbelwa, si di thetwe mtona.

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Vahebheru 13:15

Ngu ngene ahi ningeleni yotshe mbimo mhamba yo dhumisa Txizimu, ti ti wombako m'hando wa txisofu txi txi fakazako ditina dakwe.

Vaefesu 5:20

yotshe mbimo mi bonga Txizimu txathu, i ku tate ngu sotshe si txi nga maha, ngu ditina da Mkoma wathu Jesu Kristu.

Varoma 1:21

Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.

Luka 17:18

Kha maneka ni wammweyo a nga tshumela a ta bonga ka Txizimu, hahanze ka wu wa matiko.”

Luka 17:16

A ti ya khizama minengeni ka Jesu, a txi mu bonga. Aniko ene i ti Msamariya.

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.

Masalmo 116:17

Ni na phaxa mhamba ya ku kudhumisa ni txi khozela ditinani ka Mkoma.

Masalmo 107:8

Bongani Mkoma, ngu mhaka ya wunene wakwe ni sidiwukiso sakwe a mahelako vathu!

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Masalmo 50:23

Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”

Nehemiya 12:43

Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.

2 Makronika 33:16

Se Manasi a to aketa txiluvelo txa Mkoma, e ningela mningelo wa kudikha ni wa kudhumisa txitimwi ka txona, se a to leleta va ka Judha kuthumela Mkoma, Txizimu txa Israyeli.

2 Makronika 29:31

Ezekhiya a to xamula a txi khene: Konkuwa anu mi nga ti ningela ka Mkoma, tshuketani mi tisa mhamba ni miningelo ya kudhumisa, Nyumbani ka Mkoma. Se msengeletano wu to tisa mhamba ni miningelo ya kubonga, vamwani ngu kuranda kwawe, va humisile miningelo ya kuhiswa.

Levhi 22:29

Ngako mi txi lava kumaha mningelo wa mhamba yo bonga ka Mkoma, mahani ngu nzila yo lulama, kasiku yi txi amukeleka.

Levhi 7:15

Nyama ya txihari txi txi nga mahwa mningelo wa mhamba ya mpatano, yi fanete kudyiwa yotshe ka dona ditshikudo da mhamba, ku si sali ni txa txidotho txo ta dyiwa mangwanani ka kona.

Levhi 6:16

Se wule wu salako va na dya, Aroni ni vanana vakwe; sa kwa mbi tshumbela si na dyelwa wukhaloni ko sawuleka; si txi dyelwa mtendelani ka ditenda da msengeletano.

Levhi 2:5

Se ngako u txi lava kumaha mningelo ngu sakudya, so katingwa mu ka dipani, maha mhamba ngu mpupu wa wunene ngutu, awu wu nga vhuvwa ni mtona, wu si nga ni mtshumbelo.

Amosi 4:5

Mi ningela miphaxo ya kudhumisa ya si so tshumbelwa, mi peka nyiwo ya miphaxo ya kutxhatxheka, mi huwelela; nguko eto ma ti dhunda, anu vanana va ka Israyeli, kuwomba Mkoma Txizimu.