Levhi 6:9 - Bhiblia Yo Sawuleka

⁹ Laya Aroni ni vanana vakwe u txi khawe: Mlayo wa mningelo wo hiswa ngu wuwa: Mningelo wu na hiswa ha txiluveloni wotshe wusiku kala ni mixo, se wu na turiswa ngu mndilo ha txiluveloni.

Levhi 6:9 Referans Kwoze

Mitengo 28:3

Se u na va gela tito: Mningelo wo hiswa wu mi ningelako ka Mkoma ngu wuwa: Mi na ningela tihamba timbidi ta dilembe dimwedo, ta kwa mbi na txibawa. Ewo wu na va mningelo wo hiswa wa ditshiku ni ditshiku.

Mitengo 28:9

Aniko, ngu ditshiku da Sabbata, ku na ningelwa sinvutana simbidi sa dilembe dimwedo, sa kwa mbi na txibawa, ni mningelo wa mpimo wa wumbidi wa mpupu wo kanyangelwa ni mtona, ni mningelo wa sakudya ni sa kusela sa kona.

Levhi 6:8

Mkoma a to womba kambe ka Mosi, a txi khene:

Levhi 2:3

Asi si salako ka mningelo wa sakudya, nza Aroni ni vanana vakwe, asiya nzilo sa kusawuleka ngutu, si nga sala ka mhamba yo mahelwa Mkoma.

Levhi 2:10

Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.

Levhi 6:19

Mkoma a to womba kambe ka Mosi a txi khene:

Levhi 24:9

Si na lumba Aroni ni vanana vakwe, va na dyela ha wukhaloni ko sawuleka; nguko nzilo so sawuleka, ngutu ka sile si mahelwako Mkoma, si lumba vona; mlayo wuwa mbwa kwa mbi na magwito.