Levhi 6:7 - Bhiblia Yo Sawuleka

⁷ Kambe mphaxeli a na maha mningelo wa kudivalelwa ngu wona masoni ka Mkoma, se a na divalelwa ka totshe tile a nga maha ti txi mmanisa mnandu.

Levhi 6:7 Referans Kwoze

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Matewu 12:31

“Ngu konaho ni khani kwanu: Vathu va na divalelwa sotshe sionho ni sotshe siruko, kambe kuruka Moya wo Sawuleka kha ku na mbi divalelwa.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Ezekhiyele 33:19

Se ngako m'bihi a txi hunduluka ka wubihi wakwe, a txi maha to lulama ni ta tinene, a na hanyiswa ngu tona eto.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Levhi 5:18

A fanete kuteka hamba yo mbi na txibawa, e yi yisa ka mphaxeli, madingano ni txionho txakwe. Se mphaxeli a na maha mhamba yo kuwula txionho txi a nga txi maha ngu kulunduma, se ene a na divalelwa.

Levhi 5:13

Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Levhi 5:10

Aniko ngu da wumbidi a na maha mhamba yo hiswa, nga ti mlayo wu rumako tona. Mphaxeli a na maha ngu dona mhamba yo kuwula txionho txi a nga txi maha, se a na divalelwa.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

Levhi 6:8

Mkoma a to womba kambe ka Mosi, a txi khene:

Levhi 7:2

Txihari txi fanete kuwilwa thamo, ha wukhaloni hale kudayelwako kona sihari sa mningelo wo hiswa, ni mnoha wa kona, mphaxeli a na wu xwayela ngu wona ka otshe madhawa a ha txiluveloni.

Levhi 2:1

Se ngako m'thu a txi ningela mningelo wa sakudya ka Mkoma, a na phaxa ngu mpupu wa wunene, e thela mtona ni dibaselo txitimwi ka wona.