Levhi 6:5 - Bhiblia Yo Sawuleka

⁵ mwendo ngu sotshe sile a nga xambanya ngu makuhu; se a na si tshumeta sotshe, e sanzekela ngu mpimwanyana wa wutxhanu; ngu ditshiku da mningelo wa kudivalelwa ka mnandu wakwe, a na si ningela ka nyamne wa sona.

Levhi 6:5 Referans Kwoze

Levhi 5:16

Ngu kumaha keto, a na dihisa ngu kuhumisa ka mtxhanu male, yo dinganisa sile so sawuleka a nga ti tekile, se a na si yisa ka mphaxeli; ngu msana, mphaxeli, ngu txinvutana txa kudivalela txionho txa m'thu wule, a na maha mhamba ya kudivalelwa ka txionho.

Luka 19:8

Zakewu ene, a di emile, a ti khene ka Mkoma: “Mkoma, ni lava kuninga sisiwana hafu ya yotshe thomba yangu, se ngako a diho awu ni nga mu dyelela, ni na mu tshumetela sile ni nga mu pela, si di engetetwe ka mune.”

2 Samuwele 12:6

Se a na diyela txi nvutana ngu kuningela mune wa sona, nguko a mahile mhaka yo ngeto asi nga ni kupfela wusiwana.

1 Samuwele 12:3

Ngani wuwa hawa, ni fakazeleni masoni ka Mkoma ni masoni ka wule a nga totwa wa Mkoma: I mani ni nga mtekela homu kani? I mani ni nga mtekela mbongola kani? I mani ni nga mdyelela kani? I mani ni nga mxanisa mwendo kuamukela siningo ngu kwakwe so ni vhala maso angu kani? Se ni na mtshumetela.

Eksodha 22:9

Ni yihi mhaka ku singako ni kupfana, mwendo ngu homu, mwendo ngu mbongola, mwendo ngu nvuta, mwendo ngu txyambalo, mwendo ngu tximwani txo maha txi nga mwalala, atxi txi wombwako ti to nja nombwe, mhaka ya kona yi na yiswa ka Txizimu. Atile Txizimu txi no womba ti to ana ni mnandu, a na diha e tshumeta ngu kuwuyeta kambidi wa kona.

Isaya 58:9

Sekoko u na dila, kambe Mkoma a na kuxamula; u na peka huwa, se ene a na khene: “Ngani wuwa hawa.” Eto ti na maheka ngako u txi thavisa hagari kwako dikange, u leka kuxungametela ngu litiho, ni kuwombawomba ka manyala;

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Eksodha 22:7

Ngako m'thu a txi ya ningela ka mwakelani wakwe male mwendo simaha kasiku e si xayisa, se si txi ya piwa nyumbani ka wule a nga si amukela, ngako dikhokhokho da kona di txi manwa, di na diha ngu kuwuyeta kambidi wa kona.

Eksodha 22:4

Ngako a txi manwa naso manzani sile a nga pa, hambi i di homu mwendo mbongola, mwendo kambe i nvuta, a na diha kambidi.

Eksodha 22:1

“Ngako m'thu a txi pa homu mwendo nvuta, a txi yi daya mwendo ku yi xavisa, a na diha ngu mtxhanu wa tihomu ka homu yimweyo, ni mune wa tinvuta ka nvuta yimweyo.

Ezekhiyele 33:15

ngako m'bihiyo a txi tshumeta sile a nga ti vekisile, ni kudiha sile so piwa, e londeta sileleto sa kuhanya, asi mahi to biha, ngu ditshuri a na hanya, kha na mbi fa.

Eksodha 30:7

Aroni a na hisela kona dibaselo do bhumula ngu txitimwi ka dona, mixo ni mixo, mbimo yile a lulamiselako malambu, ene a na hisa dibaselo di txi tuvikela.

Nehemiya 10:35

Ni kuneha kambe dilembe ni dilembe Nyumbani ka Mkoma, mihando yo khata ya mafu athu ni yotshe mihando yo khata ya mindonga yotshe.