Levhi 6:4 - Bhiblia Yo Sawuleka

⁴ ti na maheka koko taku, ngako a di onhile e maneka a di ni mnandu, e tshumeta sile a nga pa, mwendo sile a nga lamba naso, ngu kutitsimba, mwendo sile a nga ti ti ningilwe ku si xayisa, mwendo sile so mwalala a nga si rola,

Levhi 6:4 Referans Kwoze

Zefaniya 1:9

Ni na tsayisa kambe ka ditshikuedo votshe vale va ndakako mtshunzuti, va tatako tinyumba ta vanyamne vawe ngu so honyola ngu kulwisa ni kukanganyisa.

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Ezekhiyele 18:18

Tate wakwe, nga kule a nga xanisa, a txi pa somaha sa mwanawe, e maha ti i singako ta tinene hagari ka vathu, wona taku a na fa ngu mhaka ya wubihi wakwe.

Ezekhiyele 18:12

a txi xanisa txisiwana ni wule wo pwata, a txi pa, kambe asi tshumeti sile so vekiswa, a gulako maso akwe me wonetela sithombe, e mahetela to nyenyeza,

Ezekhiyele 18:7

asi xuphi ni m'thu mmweyo, a tshumetako ka nyamne asile a nga vekisa ngu sona, asi piko, a ningako sakudya ka wule a ku ni nzala, e ambeka wule i ku tximbwiri;

Isaya 59:6

Sisaka sa va nyazombe kha si dingani kuluka ngu sona syambalo, hambi ku ti fenengeta ngu mithumo yawe; mithumo yawe, mithumo ya wubihi, ni mithumo ya wugevenga yi manzani kwawe.

Jobe 24:2

Vaho vale hambi mihingano va yi thavisako; vepa mitxhambi, se ve yi dyisa.

Jobe 20:19

nguko a tsindavetile sisiwana ni ku si leka, niku a honyote nyumba yi a nga mbi yi aka,

Genesisi 21:25

Abrahamu a to sola Abhimeleki ngu mhaka ya txisima txiya sithumi Abhimeleki si nga ti m'honyote ngu txieyiso.

Levhi 24:18

Ni wule a dayako txifuyo txa vane, a fanete kudihela ngu tximwani txo hanya; wutomi wu dihelwa ngu wutomi.

Levhi 24:21

Awule a dayako txifuyo a na diha ngu tximwani txifuyo; awule a dayako m'thu a na diha ngu kudawa nene.

Mitengo 5:7

Se ene a fanete ku ti solisa ngu txionho txi a nga txi maha; se e tshumetela sotshe si a nga si mana ngu kuonha kwakwe, se a txi engetela ngu lipimo la wutxhanu, e ninga awu a nga muonhela.

Ezekhiyele 33:15

ngako m'bihiyo a txi tshumeta sile a nga ti vekisile, ni kudiha sile so piwa, e londeta sileleto sa kuhanya, asi mahi to biha, ngu ditshuri a na hanya, kha na mbi fa.

Malakiya 1:13

Se mi khanu: Wonani kunemela ka tona! Se mi ti ningete kutxhipiswani, kuwomba Mkoma wa Mabutho a Tiyimbi; anu mi ningela so piwa, so limala, ni so lwala; se mi mahisa eto miningelo; si amukelwa soneso sa kuta ngu manzani kwanu kani? Kuwomba Mkoma.

Levhi 4:12

eko yotshe nyama ya dirole, yi na humiswa yi yiswa hahanze ka wugovelo, ha wukhaloni ka mhamba yo sawuleka, ahale ka ditala da dikhuma, se kona ha ditalani hale ka dikhuma, yi na ya hiswa hamndilo.

Nehemiya 5:11

Na mi kombela, va tshumeteleni nyamsi tithembwe tawe, mivhinya yawe, miolivha yawe ni tinyumba tawe, ni male ya mpimo wa dizana, ni fulaho, ni dosi, ni mtona, asile anu mi va vilako.

Ezekhiyele 44:19

Se mbimo yi va no huma ka mtendela wa hahanze, ka vathu, mtendelani ka hahanze, va na ambula syambalo sile va nga thuma ngu sona, va txi si veka ka tinyumba to sawuleka, ve ambala simwani simaha, kasi ku va si sawulekisi vathu va di ni syambalo sawe.