Levhi 6:20 - Bhiblia Yo Sawuleka

²⁰ Awuwa mningelo wa Aroni ni vanana vakwe, va no ningela ka Mkoma, ka ditshiku dile wene a no totwa ku va mphaxeli: Mpimo wa wugumi wa efa wa mpupu wa wunene, ngu mningelo wa sakudya; hafu yimweyo ni mixo, yimwani hafu ni minova.

Levhi 6:20 Referans Kwoze

Eksodha 29:2

ni mapawu o mbi tshumbelwa, ni sibhubhutela so mbi tshumbelwa, so kanyangelwa ni mtona; se u na si maha ngu mpupu wa fulaho ya yinene.

Eksodha 16:36

Mpimo wu wu dhanwako ti to i homeri ngu didhawa da wugumi da efa.

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Vahebheru 5:1

Ngu toneto, wuhi ni wuhi i ku Mphaxeli wa Hombe, kota nga ti a nga sawulwa hagari ka vathu-kulowe, a ni fanelo ya kuthumela vona vathu ka timhaka ti ti tsimbilelanako ni mthumo wa Txizimu, kasiku a txi maha miningelo ni timhamba ta kudihela sionho.

Mitengo 28:10

Awuwa ngu wona mphaxo wa kuhiswa wa Sabbata ni Sabbata, kuleka mningelo wa kuhiswa wa ditshiku ni ditshiku, ni mningelo wa sakudya ni sa kusela.

Mitengo 28:3

Se u na va gela tito: Mningelo wo hiswa wu mi ningelako ka Mkoma ngu wuwa: Mi na ningela tihamba timbidi ta dilembe dimwedo, ta kwa mbi na txibawa. Ewo wu na va mningelo wo hiswa wa ditshiku ni ditshiku.

Levhi 5:11

Aniko, a txi tandeka kumana matuva mambidi, mwendo mavhondo mambidi a situvani, a nga sikota kumaha mhamba yo basisa txionho txi a nga tximaha, ngu mune wa makilu a mpupu wa wunene. Aniko a nga thuke e thela mtona txitimwi ka wona, hambi ku wu vekela dibaselo, nguko mhamba yiya, nja txionho.

Levhi 5:1

Se ngako m'thu a txi dhanelwa kuya fakaza mhaka yokari, a nga yi wona mwendo a nga yi ziva, aniko a txi lamba kuwomba, sekoko eyo m'thu a na rwala txionho txakwe;

Levhi 6:19

Mkoma a to womba kambe ka Mosi a txi khene:

Levhi 23:13

Se mningelo wa mhamba yo hiswa, kulaveka kumaha mningelo wa mtxhanu wa makilu ni mararu a mpupu wa wunene, wo vhuwa ni mtona, ti to wu txi hiswa ngu kudhumisa Mkoma, mhamba yiya njo bhumula, yi tsakisa mbilu yakwe; mhamba ya sa kusela, yi na va ya mmbamba wa vhinya.

Mitengo 4:16

Kambe Eleyazari, mwana Aroni, mphaxeli, ngene a no maha mthumo wo xayisa mtona wa malambu, ni dibaselo do bhumula, ni mphaxo wa sakudya, ka otshe masiku ni mtona wo tota, ni wotshe mthumo wo xayisa dithepele, ni sotshe asi si manekako; i ku wukhalo wo sawuleka, ni siya sa kona.”

1 Makronika 23:29

i ku wuwa: Kuxayisa mapawu a miphaxo, ni mpupu wo tshura, ni mningelo wa sakudya, ni tximbwanda txa kwa mbi tshumbelwa, ni so katingwa, ni so yokwa, ni yotshe mipimo yo pima kutala ni wuhombe;

Levhi 6:11

Msana keto, a na ambula syambalo sakwe, a txi ambala simwani syambalo, se a na tsula ni dikhuma hahanze ka wugovelo, ka wukhalo wo basa.