Levhi 6:13 - Bhiblia Yo Sawuleka

¹³ Mndilo wu na tura yotshe mbimo ha txiluvelo; kha wu na mbi timeka.

Levhi 6:13 Referans Kwoze

Levhi 6:9

Laya Aroni ni vanana vakwe u txi khawe: Mlayo wa mningelo wo hiswa ngu wuwa: Mningelo wu na hiswa ha txiluveloni wotshe wusiku kala ni mixo, se wu na turiswa ngu mndilo ha txiluveloni.

Levhi 6:12

Mndilo koko wu na tura txitimwi ka txiluvelo, kha wu na mbi timeka; kambe mphaxeli a na engetela tikhuni ka wona mixo ni mixo, e veka kha kwati mningelo wo hiswa txitimwi ka txiluvelo, se ngu txitimwi ka kona a na hisa mafura, a miningelo ya mpatano.

Levhi 6:14

Mlayo wa mningelo wa sakudya ngu wuwa: Wu na ningelwa ngu mmweyo wa vanana va Aroni ka Mkoma, masoni ka txiluvelo.

Ezekhiyele 40:46

Aniko nyumba yile yo rendekela ka nzila ya wulambwe, nja vaphaxeli vale vo xayisa txiluvelo; avava mbanana va Zadhoki, va tshuketako ka Mkoma, i ku vamwevo va vanana va ka Levhi, kasi ku mthumela.

Eksodha 29:1

Ngu tiya u no maha kwawe kasi ku va katekisa ve maha vaphaxeli: U na langa dirole ni tihambana timbidi to mbi na wulima;

Eksodha 29:2

ni mapawu o mbi tshumbelwa, ni sibhubhutela so mbi tshumbelwa, so kanyangelwa ni mtona; se u na si maha ngu mpupu wa fulaho ya yinene.

Eksodha 29:40

Ngu txihambana txo khata u na ningela didhawa da wugumi da mpimo wa mpupu wo tsetsetwa ni kukanyangelwa ni didhawa da wumune da mpimo wa hini ya mtona wa miolivha wo surutetwa, ni dimwani didhawa da wumune da mpimo wa hini wa vhinya, kasi kumaha mningelo wa so sela.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Isaya 31:9

Se ngu dizowa a na pinda dirigwi dakwe da wuthavelo, ni vathangeli vakwe va na tshotsha m'jeke, kuwomba Mkoma, awule mndilo wakwe wu ku Siyoni, ni txikho txakwe txa hombe txi ku Jerusalema.