Levhi 6:11 - Bhiblia Yo Sawuleka

¹¹ Msana keto, a na ambula syambalo sakwe, a txi ambala simwani syambalo, se a na tsula ni dikhuma hahanze ka wugovelo, ka wukhalo wo basa.

Levhi 6:11 Referans Kwoze

Ezekhiyele 44:19

Se mbimo yi va no huma ka mtendela wa hahanze, ka vathu, mtendelani ka hahanze, va na ambula syambalo sile va nga thuma ngu sona, va txi si veka ka tinyumba to sawuleka, ve ambala simwani simaha, kasi ku va si sawulekisi vathu va di ni syambalo sawe.

Levhi 4:12

eko yotshe nyama ya dirole, yi na humiswa yi yiswa hahanze ka wugovelo, ha wukhaloni ka mhamba yo sawuleka, ahale ka ditala da dikhuma, se kona ha ditalani hale ka dikhuma, yi na ya hiswa hamndilo.

Levhi 16:27

Aniko dirole ni mabhongwe, sa mningelo wa kuthavisa sionho, asile mnoha wa sona wu nga tiswa kasi kubasisa wukhalo wo sawuleka, si fanete kuyiswa hahanze ka wugovelo; si txi ya hiswa kona, i ku didhowo, nyama, ni masembe a kona.

Levhi 4:21

Mphaxeli a na ruma ti to didhuna di humiswa hahanze ka wugovelo, se koneyo a na ya di hisa mndiloni, nga ti a nga maha ngu didhuna do khata. Ayiya i mhamba yo mahela txionho txa msengeletano.

Levhi 6:10

Se mphaxeli a na ambala syambalo sakwe sa linyu, a txi ambala dibhuluku da linyu, se a na thavisa dikhuma, msana ka kuva mndilo wu di tshokomisile mningelo wo hiswa ha txiluveloni, a txi di veka didhawa ka txiluvelo.

Levhi 6:12

Mndilo koko wu na tura txitimwi ka txiluvelo, kha wu na mbi timeka; kambe mphaxeli a na engetela tikhuni ka wona mixo ni mixo, e veka kha kwati mningelo wo hiswa txitimwi ka txiluvelo, se ngu txitimwi ka kona a na hisa mafura, a miningelo ya mpatano.

Eksodha 29:37

Amu ka masiku a mtxhanu ni mambidi u na maha mhamba ya kubasisa txiluvelo u txi sawulekisa; se nga toneto txiluvelo txi na va txi di sawulekile, ni sotshe sile ni gwesako txiluvelo si na va si txi sawulekiswa.

Levhi 6:20

Awuwa mningelo wa Aroni ni vanana vakwe, va no ningela ka Mkoma, ka ditshiku dile wene a no totwa ku va mphaxeli: Mpimo wa wugumi wa efa wa mpupu wa wunene, ngu mningelo wa sakudya; hafu yimweyo ni mixo, yimwani hafu ni minova.

Levhi 6:22

Vavamna va i ku ngamu ya vaphaxeli, ngu vona dwe va ku ni fanelo yo dya ni vona yona nyama yiya, nguko i nyama yo sawuleka.

Levhi 7:6

Vavamna votshe hagari ka vaphaxeli ngu vona va ku ni fanelo yo dya nyama ya kona. Va dingana ku yi dyela ha wukhaloni ko sawuleka; nguko i mhamba yo sawuleka ngutu.

Levhi 24:9

Si na lumba Aroni ni vanana vakwe, va na dyela ha wukhaloni ko sawuleka; nguko nzilo so sawuleka, ngutu ka sile si mahelwako Mkoma, si lumba vona; mlayo wuwa mbwa kwa mbi na magwito.