Levhi 6:10 - Bhiblia Yo Sawuleka

¹⁰ Se mphaxeli a na ambala syambalo sakwe sa linyu, a txi ambala dibhuluku da linyu, se a na thavisa dikhuma, msana ka kuva mndilo wu di tshokomisile mningelo wo hiswa ha txiluveloni, a txi di veka didhawa ka txiluvelo.

Levhi 6:10 Referans Kwoze

Levhi 16:4

Kukhata a na ambala dibhaji do sawuleka da linyu, ni txibhulukwana txa linyu, e ti sunga txiwununi ngu libhande la linyu, ni txigoko txa linyu: Asiya nziambalo so sawuleka; ngu toneto, a na samba mmidi wakwe ngu mati, a txi si ambala.

Mtuletelo 19:14

Sikwata sa masotxhwa a nzumani sa mu londetela, si di gadhile mahantxhi o basa, va di ambate syambalo sa linya yo basa ya lisima.

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Mtuletelo 7:13

Se mmweyo wa vale va madhota a to khene kwangu: “Ava va nga ambala so basa, wa va ziva kani? Va ta ngu hani?”

Masalmo 37:20

Aniko vaonhi va na fuva; valala va Mkoma va na hya kufana ni mwasi wa kuoma va na hangalaka kufana ni wutshi.

Masalmo 20:3

Txizimu txi na khumbule yotshe miningelo yako txi na amukele mhamba yako yo hiswa.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Mitengo 16:21

Tshuketani kule ka msengeletano wuwa, ni na va lovisa ngu mbimwanyana.

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 4:12

eko yotshe nyama ya dirole, yi na humiswa yi yiswa hahanze ka wugovelo, ha wukhaloni ka mhamba yo sawuleka, ahale ka ditala da dikhuma, se kona ha ditalani hale ka dikhuma, yi na ya hiswa hamndilo.

Levhi 6:11

Msana keto, a na ambula syambalo sakwe, a txi ambala simwani syambalo, se a na tsula ni dikhuma hahanze ka wugovelo, ka wukhalo wo basa.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Ezekhiyele 44:19

Se mbimo yi va no huma ka mtendela wa hahanze, ka vathu, mtendelani ka hahanze, va na ambula syambalo sile va nga thuma ngu sona, va txi si veka ka tinyumba to sawuleka, ve ambala simwani simaha, kasi ku va si sawulekisi vathu va di ni syambalo sawe.

Levhi 2:11

Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma.

Levhi 6:18

Votshe vavamna hagari ka vanana va Aroni, va na dya sa mningelo wa sakudya; txi na va txileleto txa kwa mbi gwita ka tihunzu tanu, hagari ka miningelo yo hiswa ka Mkoma; ni wihi a no si gwesa a na sawuleka.

Levhi 6:22

Vavamna va i ku ngamu ya vaphaxeli, ngu vona dwe va ku ni fanelo yo dya ni vona yona nyama yiya, nguko i nyama yo sawuleka.

Levhi 21:22

Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu.