Levhi 5:8 - Bhiblia Yo Sawuleka

⁸ Se a na ma yisa ka mphaxeli, kasi ku ene mphaxeli, a na khata ngu kumaha mhamba ya kudivalela txionho; se a na teka dimwedo e di sukuruta msungo ngu ha thamoni, aniko asi khatuli.

Levhi 5:8 Referans Kwoze

Levhi 1:15

Se mphaxeli a na ningela txinyana ha txiluveloni, e txi sukuruta mkolo ngu txyala txakwe, se a na hisa msungo wa kona ha txiluveloni; mnoha wa kona wu na kamelwa ha disetani ka txiluvelo;

Levhi 1:17

txinyana txiya, a na txi bhanda ngu hagari ka mabhapi, aniko asi txi tshaputi; se mphaxeli a na txi hisa txiluveloni, txitimwi ka tikhuni ti ti ku ha mndiloni; i mhamba yo hiswa, mningelo wo fanela kuhiswa, wa kubhumula ko tsakisa Mkoma.

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.