Levhi 5:7 - Bhiblia Yo Sawuleka

⁷ Aniko, ngako m'thu a txi pwata mningelo wa nvuta mwendo wa phongo, wa sikota kuningela ka Mkoma, ngu mhamba ya txionho txakwe, matuva mambidi mwendo mavhondo mambidi, a situvani, kasi ku dimwedo di txi va mhamba ya txionho, dimwani di txi va mhamba yo hiswa.

Levhi 5:7 Referans Kwoze

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

Matewu 3:16

Jesu msana ka kuva a di bhabhatisilwe a to huma ngu matini. Konako, nzuma yi to tuleka, se Jesu e wona Moya wa Txizimu, wu nga ti relela nga dituva txitimwi kwakwe.

Levhi 14:31

Tximwetxo txa sona sinyaneso, txi a no txi mana, txi maha mphaxo wo thavisa txionho, ni tximwani nja mningelo wo hiswa, wa sakudya; se mphaxeli a na mmahela mhamba ya divalelo, masoni ka Mkoma.

Luka 2:24

Va txi fanela kambe kuya ningela mhamba ya matuva mambidi mwendo mavhondo mambidi a situvani nga ti wu wombisako tona Mlayo wa Mkoma.

Levhi 16:5

Se ka msengeletano wa vanana va ka Israyeli, u na teka vamabhongwe vambidi, kasi kumaha mhamba yo kuwula txionho, ni hamba yimweyo ya mningelo wo hiswa.

Levhi 15:30

Sekoko mphaxeli a na maha mningelo ngu dituva dimwedo, e maha mhamba yo divalela, ngu dimwani, a na maha mhamba yo hiswa, e mmahela mhamba yo divalela, masoni ka Mkoma, ngu wulwati wo humela mnoha wule, wu nga ti ti mnyenyezisa.

Levhi 9:3

Ngu msana, womba ka va ka Israyeli u txi khawe: Tekani mabhongwe, e mahwa mhamba yo thavisa txionho, ni dirole, ni txihambana, sa dilembe dimwedo, so mbi na sibawa, kasi kumaha mningelo wo hiswa,

Levhi 5:11

Aniko, a txi tandeka kumana matuva mambidi, mwendo mavhondo mambidi a situvani, a nga sikota kumaha mhamba yo basisa txionho txi a nga tximaha, ngu mune wa makilu a mpupu wa wunene. Aniko a nga thuke e thela mtona txitimwi ka wona, hambi ku wu vekela dibaselo, nguko mhamba yiya, nja txionho.

Matewu 21:12

Se Jesu a to wulela Dithepeleni, e tovela votshe va va nga txi xavisa, ni votshe va va nga ti xava, e hangalasa timeza ta vatxitxi va timale, ni madhando a vale va nga ti xavisa situvane.

Levhi 7:1

Asiya nzileleto sa mhamba yo divalela mnandu; etxo njimaha txo sawuleka ngutu.

Levhi 12:6

Ngako ma di gumile masiku a kubasiswa kwakwe, ngu ku va a di velekile mwanana wa mfana mwendo wa muhorana, a na va a txi ya maha mningelo ka mphaxeli, ha txikeni ka ditenda da msengeletano, ngu txinvutana txa dilembe dimwedo, kasi kumaha mhamba yo hiswa, ni txituvani, ni dituva, kasi kumaha mhamba yo basisa txionho.

Levhi 14:30

Se a na maha mningelo ngu dituva, mwendo divhondo dimwedo da txituvani, nga ti a ti kotisako tona awule a basiswako.

Mitengo 5:6

Womba kambe ka vanana va ka Israyeli u txi khawe: Ku nga ti m'thu, wamwamna mwendo wamsikati a txi maha txionho txo hambana ni wuthu, eyo m'thu a na va a di onhete Mkoma; se eyo m'thu ana ni mnandu wa toneto.

Mitengo 6:10

Ka ditshiku da wutxhanu ni mararu, a na yisa ka mphaxeli matuva mambidi, mwendo mavhondo mambidi a situvani, ha txikeni ka ditenda da msengeletano.

Mitengo 6:11

Se mphaxeli a na ningela dituva dimwedo ngu mphaxo wa txionho; dimwani di na maha do hiswa, ngu kule a nga bihiswa ngu kugwesa m'thu wa kufa; m'thu wule a na va a txi basisa msungo ka donedo ditshiku.

Levhi 27:8

Ngako i di txisiwana ngutu, asi sikoti kumana male ya mtengo wuwa wu nga emiselwa, m'thu wa kona a fanete kuyiswa ka mphaxeli, kasiku mphaxeli a na ya gema mtengo wa male yo dingana ati a ku ka tona wule a nga maha txixambanyo.