Levhi 5:6 - Bhiblia Yo Sawuleka

⁶ Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 5:6 Referans Kwoze

Levhi 4:28

Ngako va txi mkomba txionho txi ene a nga txi maha; sekoko na tisa mningelo wa maha mhamba yo kuwula txionho txakwe ngu phongo ya mkati, yo mbi na wulima.

Levhi 4:32

Aniko ngako a txi dhunda kumaha mhamba ngu txinvutana, kasi kudivalelwa txionho, a fanete e maha ngu txinvutana txa makati, txo mbina txibawa.

Ezekhiyele 42:13

Sekoko a to khene kwangu: Tinyumba ta wuphemba ni tinyumba ta wulambwe, ti manekako ka wukhalo wa didhawa da kusawuleka, ndinyumba to sawuleka, emo vaphaxeli va no dyela kona silo so sawuleka ngutu; va na veka kona eyo silo so sawuleka ngutu, ni miningelo ya kudyiwa, ni ya kudivalelwa ka sionho, ni ya kudivalelwa mnandu; nguko wukhalo mbwo sawuleka.

Ezekhiyele 40:39

Ka m'hubhe wa ha txikeni, ku ti ti ni timeza timbidi ka didhawa dimwedo, ni timbidi ka dimwani, kasi kudayela ka tona miningelo yo hiswa, ni mningelo wa kudivalelwa ka txionho, ni mnandu.

Levhi 6:6

Se a na tisa ka Mkoma, hamba ya kwa mbi na txibawa ya mtxhambi, kasi ku va mningelo wakwe wa kudivalelwa mnandu; madingano ni ti u no ti wonisa tona, u si tisa ka mphaxeli.

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Mitengo 6:12

Sekoko a na va a txi xambanya kambe ka Mkoma, ka yotshe mbimo yakwe ya wunazira, a na teka hambana ya nvuta ya tanga ya dilembe, e maha mphaxo wa m'diho, mbimo yi yi nga pinda kha yi na mbi balwa, ngako wunazira wakwe wa kale wu di nzambwisilwe.

Ezekhiyele 44:27

Ka ditshiku dile mphaxeliyo a wulelako ka wukhalo wo sawuleka, ka mtendela wa mndani, kasi kuthuma ka wukhalo wo sawuleka, a na ningela mningelo wa kudivalelwa kwakwe sionho, kuwomba Mkoma Txizimu.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 4:35

Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.