Levhi 5:3 - Bhiblia Yo Sawuleka

³ hambi ku ngako m'thu a txi gwesa ni yihi nzambwa ya mmwani m'thuyo, neneyo m'thu ana ni mnandu wa nzambwa;

Levhi 5:3 Referans Kwoze

Levhi 5:2

mwendo ku ngako m'thu a txi gwesa txokari txa nzambwa, hambi asi ti zivi, kufana ni kugwesa txirumbi txa txihari txa nzambwa, txa txitinga mwendo txo fuywa, mwendo txo tsimbila ngu dibindi, i di txa nzambwa, eyo m'thu ana ni mnandu, mbwa nzambwa;

Levhi 5:4

ni kungako m'thu, na asi ti zivi ka txonetxo txikhati, a txi xambanya ti to a na maha ta tinene mwendo to biha ka mmwani m'thu, se ngu msana e tiziva ti a nga maha, neneyo m'thu ka mhaka yoneyo ana ni mnandu.

Levhi 7:21

Ni wule a manekako a di gwesile tximaha txo mbi lulama, mwendo m'thu, mwendo txihari, hambi ni txihi tximaha, mwendo kuva a di dyite nyama ya mhamba ya mpatano, ayi yi mahelwako Mkoma, a na tutumiswa ka va ka kwawe.

Mitengo 19:22

Ni sotshe si si nga gweswa ngu m'thu wo mbi sawuleka, si na va si sa sawuleka, ni wu a no gwesa wu m'thu, nene kha sawuleka kala ni minova.

Ezekhiyele 44:27

Ka ditshiku dile mphaxeliyo a wulelako ka wukhalo wo sawuleka, ka mtendela wa mndani, kasi kuthuma ka wukhalo wo sawuleka, a na ningela mningelo wa kudivalelwa kwakwe sionho, kuwomba Mkoma Txizimu.

Levhi 13:3

Se Mphaxeli a na wonisisa ha mmidi kwakwe, ngako a txi wona mapfhete akwe ma txi basa, mwendo dithanzi di txi tshima, kupinda ngutu lihohe la nyama yakwe, yi na va i di tshekela; ngako mphaxeli a txi muwona, a na womba ti to wa yila.