Levhi 5:17 - Bhiblia Yo Sawuleka

¹⁷ Se ngako m'thu a di onhile ngu kumaha to biha, e tsulupeta mlayo wokari wa Txizimu, e maha ti ti si faneliko kumahwa, hambi asi ti zivi, a na va ni txionho, kambe a rwate mnandu.

Levhi 5:17 Referans Kwoze

Levhi 4:27

Se ngako ni wihi m'thu nga kulunduma e onhela Mlayo wa Mkoma, a txi mana mnandu ngu toneto, kufela ku e ziva txionho txi a nga txi maha, a fanete kumaha mphaxo wa txionho txakwe, ngu phongo ya mkati yo mbina wulima.

Levhi 4:13

Ngako i di msengeletano wotshe wa ka Israyeli wu nga onha, ngu kulunduma, wu txi maha ti ti tsimbwako ngu Mlayo wa Mkoma, se votshe ve maneka va di onhile,

Masalmo 19:12

I mani waku a nga wona sionho sakwe apune kani? Ni divalele, Mkoma, sionho si ni si si woniko!

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.

Levhi 4:22

Ngako i di mthangeli wokari a nga onha ngu kulunduma, a txi maha ti ti tsimbwako ngu Mlayo wa Mkoma Txizimu, a ti mahete mnandu ngu toneto;

Luka 12:48

Aniko, awule a nga mbi kuziva kuranda ka nyamne wakwe, se a txi maha to fanelwa ngu kukwapelwa, a na kwapwa ka kudotho. Awule a nga ningwa sasingi, kwakwe ku nata lawa sasingi; ani wule a nga vekelwa sasingi, kwakwe ku nata vilwa sasingi.”

Varoma 14:23

Kambe awu a kanakanako e lamba e dya, a abanisilwe, nguko a dya a si nga ni likholo la ditshuri. Nguko totshe ti ti si mahwiko ngu kukholwa, njionho.

Levhi 5:18

A fanete kuteka hamba yo mbi na txibawa, e yi yisa ka mphaxeli, madingano ni txionho txakwe. Se mphaxeli a na maha mhamba yo kuwula txionho txi a nga txi maha ngu kulunduma, se ene a na divalelwa.

Levhi 5:19

I mhamba yo divalela mnandu; kha ditshuri ka Txizimu, a ti manisile mnandu.