Levhi 5:16 - Bhiblia Yo Sawuleka

¹⁶ Ngu kumaha keto, a na dihisa ngu kuhumisa ka mtxhanu male, yo dinganisa sile so sawuleka a nga ti tekile, se a na si yisa ka mphaxeli; ngu msana, mphaxeli, ngu txinvutana txa kudivalela txionho txa m'thu wule, a na maha mhamba ya kudivalelwa ka txionho.

Levhi 5:16 Referans Kwoze

Mitengo 5:7

Se ene a fanete ku ti solisa ngu txionho txi a nga txi maha; se e tshumetela sotshe si a nga si mana ngu kuonha kwakwe, se a txi engetela ngu lipimo la wutxhanu, e ninga awu a nga muonhela.

Levhi 22:14

Ngako m'thu wokari, a txi thuka a txi dya so katekiswa ngu kulunduma, a na si tshumetela ka mphaxeli, ngu mtengo wa sona, aniko a na si engetela ngu simwani sa wutxhanu.

Levhi 27:31

Kambe ngako m'thu wokari a txi lava kutekisa sile i ku sakwe sa wugumi, a na si tatisa ngu mpimo wa wutxhanu, ka mtengo wa sona.

Levhi 27:27

Ngako i di txihari txo mbi sawuleka, ta koteka ku txi tekiswa ngu mtengo wa male yi yi no gemwa, ngu kudinganisa, ku txi engetelwa mtengo wa wutxhanu; se ngako txi si tekiswi, txi na xaviswa ngu mtengo wa male yi yi no gemwa, ha kudinganiswani.

Levhi 27:15

Ngako m'thu wule a nga maha mningelo ka Mkoma, ngu nyumba yakwe, se a txi navela ku yi tekisa, a fanete kuengetela ngu mtengo wa male wa magumi mambidi maxekele, txitimwi ka male ya mtengo wa yona, se nyumba yoneyo, yi na va i di yakwe kambe.

Levhi 27:13

Kambe ngako nyamne wa txihari a txi lava ku txi tekisa, a fanete kuengetela mtengo wa wutxhanu, kuleka mtengo wu u wu lavako.

Levhi 5:10

Aniko ngu da wumbidi a na maha mhamba yo hiswa, nga ti mlayo wu rumako tona. Mphaxeli a na maha ngu dona mhamba yo kuwula txionho txi a nga txi maha, se a na divalelwa.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Luka 19:8

Zakewu ene, a di emile, a ti khene ka Mkoma: “Mkoma, ni lava kuninga sisiwana hafu ya yotshe thomba yangu, se ngako a diho awu ni nga mu dyelela, ni na mu tshumetela sile ni nga mu pela, si di engetetwe ka mune.”

Masalmo 69:4

Mbavangi vale va ni bavelako na va si nga ni ditshuri kupinda misisi ya ha msungo kwangu; mbavangi ngutu valala vangu avale va hembako ngutu ngu ngani. Se ni na tshumeta asile ni nga mbi pa kani?

Levhi 5:13

Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

Eksodha 22:1

“Ngako m'thu a txi pa homu mwendo nvuta, a txi yi daya mwendo ku yi xavisa, a na diha ngu mtxhanu wa tihomu ka homu yimweyo, ni mune wa tinvuta ka nvuta yimweyo.

Levhi 7:2

Txihari txi fanete kuwilwa thamo, ha wukhaloni hale kudayelwako kona sihari sa mningelo wo hiswa, ni mnoha wa kona, mphaxeli a na wu xwayela ngu wona ka otshe madhawa a ha txiluveloni.

Mitengo 5:8

Sekoko, ku nga ti awu a nga onhelwa, asi na dixaka daku m'vhuna kuamukela midiho ya mnandu, midiho yoneyo yi na ningelwa ka Mkoma, kasi yi thumiswa ngu mphaxeli, hahanze ka hamba ya m'diho, ayile mphaxeli a no maha ngu yona mphaxo wa kudivalelwa ka txionho.

1 Samuwele 6:3

Vona va to kha vona: Ngako mi txi tshumeta dibhokiso da Txizimu txa ka Israyeli, mi ngadi tshumeteni di si na txilo, aniko di rumeleni ni mningelo wo dihela mnandu; sekoko mi na kalamuka, kambe mi na ziviswa mhaka yi yi mahako ti to dianza da Txizimu di si khukhi kwanu.

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.