Levhi 5:13 - Bhiblia Yo Sawuleka

¹³ Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Levhi 5:13 Referans Kwoze

Levhi 2:3

Asi si salako ka mningelo wa sakudya, nza Aroni ni vanana vakwe, asiya nzilo sa kusawuleka ngutu, si nga sala ka mhamba yo mahelwa Mkoma.

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

1 Vakorinto 9:13

Ina kha mi tizivi ti to vaphaxeli va timhamba va hanya ngu sa dithepeleni kani? Ni ti to ava va vhunetelako ha txiluveloni va mana txyavelo txa ha txiluveloni, kani?

Hoseya 4:8

Vadya sionho sa vathu vangu, kambe va navela ngutu wubihi wawe.

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

Levhi 7:6

Vavamna votshe hagari ka vaphaxeli ngu vona va ku ni fanelo yo dya nyama ya kona. Va dingana ku yi dyela ha wukhaloni ko sawuleka; nguko i mhamba yo sawuleka ngutu.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Levhi 2:10

Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.

Levhi 5:4

ni kungako m'thu, na asi ti zivi ka txonetxo txikhati, a txi xambanya ti to a na maha ta tinene mwendo to biha ka mmwani m'thu, se ngu msana e tiziva ti a nga maha, neneyo m'thu ka mhaka yoneyo ana ni mnandu.

Levhi 5:5

M'thu wu a nga onha ka mhaka yihi ni yihi, a fanete kutitshanza ka tile a ku ni mnandu ka tona.

Levhi 5:10

Aniko ngu da wumbidi a na maha mhamba yo hiswa, nga ti mlayo wu rumako tona. Mphaxeli a na maha ngu dona mhamba yo kuwula txionho txi a nga txi maha, se a na divalelwa.

Levhi 5:12

Se a na tisa mpupu ka mphaxeli awu a no wela dianza do tala, e wu hisa ha txiluveloni, wu txi maha txialakanyiso ka Mkoma; mningelo wa kuthavisa txionho.

Levhi 5:14

Se Mkoma a to womba ka Mosi a txi khene:

Levhi 5:16

Ngu kumaha keto, a na dihisa ngu kuhumisa ka mtxhanu male, yo dinganisa sile so sawuleka a nga ti tekile, se a na si yisa ka mphaxeli; ngu msana, mphaxeli, ngu txinvutana txa kudivalela txionho txa m'thu wule, a na maha mhamba ya kudivalelwa ka txionho.