Levhi 5:11 - Bhiblia Yo Sawuleka

¹¹ Aniko, a txi tandeka kumana matuva mambidi, mwendo mavhondo mambidi a situvani, a nga sikota kumaha mhamba yo basisa txionho txi a nga tximaha, ngu mune wa makilu a mpupu wa wunene. Aniko a nga thuke e thela mtona txitimwi ka wona, hambi ku wu vekela dibaselo, nguko mhamba yiya, nja txionho.

Levhi 5:11 Referans Kwoze

Mitengo 5:15

Se wamwamna wule, a na yisa msikati wakwe masoni ka mphaxeli, eya maha mningelo wa sa wugumi, sa mpimo wa efa ya sevhadha. Aniko txitimwi wona kha ku na mbi thelwa mtona, hambi kuveka dibaselo, nguko mningelo wa txiluse; awuwa mningelo wa txialakanyiso, awule mangwana wa ditshiku, wu no ku alakanyisa ka mapimo ako.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Mitengo 7:13

Se mningelo wakwe i ti ti wa mbiya ya silivhela, ya kunemela ka 130 wa maxekele, ni mbiya ya silivhela, ni mtxhanu wa magumi ni magumi mambidi a maxekele, madingano ni maxekele a wukhalo wo sawuleka; ka totshe timbiya tatimbidi, ti di tate ngu mpupu wo kanyangelwa ni mtona, kasi kumana mningelo wa sakudya;

Levhi 5:12

Se a na tisa mpupu ka mphaxeli awu a no wela dianza do tala, e wu hisa ha txiluveloni, wu txi maha txialakanyiso ka Mkoma; mningelo wa kuthavisa txionho.

Levhi 5:9

Se ngu mnoha wa wule wa kudivalela txionho, a na xwayela ha disetani ka txiluvelo, ani mnoha wu wu salako a na wu theletela hafuhi ka txiluvelo. Ayiya i mhamba yo kuwula txionho, txi a nga tximaha, se a na divalelwa.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Eksodha 16:36

Mpimo wu wu dhanwako ti to i homeri ngu didhawa da wugumi da efa.

Eksodha 16:18

Kambe mbimo yi va nga pima ngu homeri, hambi awule a nga rolela sasingi a ti si nga naso so pinda vamwani; mmwani ni mmwani a rolete so enela ku a txi dya.

Luka 2:24

Va txi fanela kambe kuya ningela mhamba ya matuva mambidi mwendo mavhondo mambidi a situvani nga ti wu wombisako tona Mlayo wa Mkoma.

Vahebheru 9:22

Madingano ni kuruma ka mlayo, sotshe simaha si fanete kubasiswa ngu mnoha; se hahanze ka mnoha, kuwalo divalelo ya sionho.

Levhi 1:14

Se ngako mningelo wakwe ka Mkoma i di wa sinyana so hiswa, kulaveka a txi wu maha ngu matuva, mwendo mavhondo a situvani.

Levhi 6:20

Awuwa mningelo wa Aroni ni vanana vakwe, va no ningela ka Mkoma, ka ditshiku dile wene a no totwa ku va mphaxeli: Mpimo wa wugumi wa efa wa mpupu wa wunene, ngu mningelo wa sakudya; hafu yimweyo ni mixo, yimwani hafu ni minova.

Levhi 14:21

Kambe m'thu wu i ku txisiwana, a si nga ni mitamo ya kona, a nga sikota kuteka txinvutana tximwetxo, kasi kuya maha mhamba ya m'diho ngu txona, ni mhamba yo ndiwitela, kasi e divalelwa, ni mpimo wa wugumi wa mpupu wa wunene, wo vhuvwa, kumweko ni mtona, ka mhamba, ni hafu ya mfarasa wa mtona,

Levhi 27:8

Ngako i di txisiwana ngutu, asi sikoti kumana male ya mtengo wuwa wu nga emiselwa, m'thu wa kona a fanete kuyiswa ka mphaxeli, kasiku mphaxeli a na ya gema mtengo wa male yo dingana ati a ku ka tona wule a nga maha txixambanyo.

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.