Levhi 5:1 - Bhiblia Yo Sawuleka

¹ Se ngako m'thu a txi dhanelwa kuya fakaza mhaka yokari, a nga yi wona mwendo a nga yi ziva, aniko a txi lamba kuwomba, sekoko eyo m'thu a na rwala txionho txakwe;

Levhi 5:1 Referans Kwoze

Levhi 5:17

Se ngako m'thu a di onhile ngu kumaha to biha, e tsulupeta mlayo wokari wa Txizimu, e maha ti ti si faneliko kumahwa, hambi asi ti zivi, a na va ni txionho, kambe a rwate mnandu.

Mavingu 29:24

Awule a ku ni thomba yimweyo ni dikhamba, wa venga dihika dakwe apune; wa engisa ta walo, aniko kha wombi txilo.

Matewu 26:63

Aniko Jesu a to simama e malala. Se mphaxeli wa hombe a to mu gela a txi khene: “Na ku xambanyisa ngu Txizimu txi txi hanyako ti to u hi gela mwendo ngawe Mesiya, Mwanana wa Txizimu kani?”

Levhi 19:8

Awule a yi dyako a na rwala mnandu, nguko a nyenyezisile wukhalo wo sawuleka wa Mkoma; se a na tovelwa hagari ka vathu va ka kwawe.

Levhi 7:18

Nguko m'thu a txi dya nyama ya mhamba ya mpatano, ayi yi no sala, ka ditshiku da wuraru, mhamba yoneyo kha yi na mbi amukelwa ngu Txizimu, yi na va i si nga yo vhuna txilo; i nyama yo onheka, ni wule a nga yi dya a na rwala mnandu wa kona.

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.

1 Vafumeli 8:31

Ngako wokari a txi onhela mmwani, vekelwa txixambanyo txitimwi kwakwe ti to e xambanya, se txixambanyo txita masoni ka txiluvelo txako, ka yiya nyumba,

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.

Levhi 20:17

Se ngako wamwamna wokari a txi teka ndiyakwe, i ku mwanana wa tate wakwe mwendo wa mame wakwe, e wona wumbwiri wakwe, se nene e wona wakwe, eto ta yila; ngu kumaha keto, ngu wumbidi wawe, va na fuviswa masoni ka va ka kwawe; nguko a tumbute wumbwiri wa ndiyakwe; va na rwala wubihi wawe.

Levhi 17:16

Ngako asi kuwuli syambalo sakwe hambi kwa mbi samba mmidi wakwe ngu mati, a na va a txi rwala mnandu wakwe.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Ezekhiyele 18:20

Muhefemulo wule wu onhako, ewo wu na fa; mwanana kha na mbi tekelela wubihi wa tate, hambi tate kha na mbi teka wubihi wa mwanana; kululama ka wo lulama ku nava txitimwi kwakwe, ni wubihi wa m'bihi wu na va txitimwi kwakwe.

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.

Masalmo 38:4

Sionho sangu si tshutshutile si ni khubhunyetile ni msungo; sa ni kama kufana ni mrwalo wo nemela ngutu.

2 Makronika 18:15

Se mfumeli a to khene kwakwe: Kulaveka ku ni kugela kuwombawomba ditshuri ngu ditina da Mkoma, kala mbimo muni kani?

1 Vafumeli 22:16

Se mfumeli Akabe a to khene: Ni na ku xambanyela ku nga hi, ti to u nga ni gele makuhu, womba ditshuri ditinani ka Mkoma kani?

Valamuli 17:2

Awu a nga khene ka mame wakwe: 1.100 wa male ya silivhela, yile u nga honyolwa, eyo u ngaza u womba-womba kubiha ngu mhaka ya yona, ni txi tipfa tinzeveni kwangu, wona taku maleyo yi ni nani, ngani ni nga teka yona. Sekoko mame wakwe a to khene: “Mkoma a na ku katekise mwanangu!”

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.

Levhi 4:2

Womba ka vanana va ka Israyeli u txi khawe: Ngako m'thu a txi onha ngu kulunduma, e maha ti ti tsimbwako ngu Mlayo wa Mkoma, e maha ti ti si lavekiko kumahwa;

Eksodha 22:11

sekoko ku na vaho txixambanyo masoni ka Txizimu hagari kwawe vavambidi, txa ti to kha pa txilo ka thomba ya mwakelani wakwe; se nyamne wa kona a na tumela, awule mmwani kha na mbi diha.

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.