Levhi 4:6 - Bhiblia Yo Sawuleka

⁶ se mphaxeli a na beta litiho mu ka mnoha, e xwayela ngu wona mtxhanu wa sikhati ni simbidi, masoni ka Mkoma, masoni ka m'jiyo wa wukhalo sawuleka.

Levhi 4:6 Referans Kwoze

Joxuwa 6:8

Se ku to mahwa nga ti Joxuwa a nga wombisa tona ka vathu, taku mtxhanu wa vaphaxeli ni vambidi, va ngadi tekile mtxhanu wa titshodi ni timbidi ta titxheho ta tihamba, masoni ka Mkoma, va to pinda va txi veta titshodi; se dibhokiso da txitumelelano txa Mkoma di txi va londetela.

Joxuwa 6:4

Se mtxhanu wa vaphaxeli ni vambidi va na teka mtxhanu wa titshodi ni timbidi, ta titxheho ta tihamba, va txi thangela masoni ka dibhokiso, se ka ditshiku da wutxhanu ni mambidi, mi na tenderuka didhoropa mtxhanu wa sikhati ni simbidi; se vaphaxeli va na veta titshodi.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Levhi 26:24

nanani ni na hambana ni nanu, ni txi mi tsayisa ngu kuwuyeta kambe mtxhanu wa sikhati ni simbidi, ngu mhaka ya sionho sanu.

Levhi 26:18

Se ngako mi txi tamarisa mi si ni engisi, ni na mi tsayisa mtxhanu wa sikhati ni simbidi, ngu mhaka ya sionho sanu.

Levhi 16:19

A na xwayela ngu mnoha mtxhanu wa sikhati ni simbidi ha txiluveloni, e txi basisa ni ku txi sawulekisa ka wubihi wa va ka Israyeli.

Levhi 16:14

Se a na beta litiho amu ka mnoha wa dirole, e xwayela ngu wona txitimwi ka mtundu, ngu didhawa da wutxani, e xwayela kambe sikhati sa mtxhanu ni simbidi, ngu masoni ka txikhalo txa wuxinji.

Levhi 14:18

Se mtona wu wu nga sala mu ka dianza, mphaxeli a na wu tota ha msungo ka wule a basiswako, se a na mmahela mhamba ya kudihela txionho, masoni ka Mkoma.

Levhi 14:27

A na xwayela mtona, mtxhanu wa sikhati ni simbidi, ngu litiho la dianza da txinene, lo nakaniswa amu ka mtona, masoni ka Mkoma.

Levhi 14:16

se e beta litiho lakwe la dianza da txinene, amu ka mtona wu wu ku ka dianza da txibhabha, a txi xwayela ngu lona litiho liya li ku ni mtona, amu ka mtxhanu wa sikhati ni simbidi, masoni ka Mkoma.

Levhi 9:9

Vanana va Aroni va to mninga mnoha, aha Aroni a nga beta litiho e li nakanisa, a txi tota mnoha aha ka titshoka ya txiluvelo, se a to thela mnoha hafuhi ka txiluvelo, awu wu nga sala.

Levhi 8:15

Se Mosi a to wila thamo ya txirolyana; e nakanisa litiho mu ka mnoha, se e totela ngu wona ka madhawa a txiluvelo, ngu kurendelekisa, kasi kusawulekisa txiluvelo. Mnoha wu wu nga sala, a to wu thela hafuhi ka txiluvelo, e txi sawulekisa, ti to mhamba yo kuwula txionho yi txi mahelwa konaho.

Levhi 4:34

Msana keto, Mphaxeli a na beta litiho mu ka mnoha wa txihari e totela titshoka ta txiluvelo txa timhamba to hiswa, sekoko mnoha wu wu nga sala, a na wu thela hafuhi ka txiluvelo.

Levhi 4:30

Mphaxeli a na beta litiho lakwe mu ka mnoha wa txihari e totela ngu wona titshoka ta txiluvelo txa mhamba yo hiswa, mnoha wu wu salako a fanete ku wu thela hafuhi ka txiluvelo.

Levhi 4:25

Mphaxeli a na teka ngu litiho mnoha wa mabhongwe wu va nga maha ngu ngene mhamba yo kuwula txionho, e tota ngu wona ha ka titshoka ta txiluvelo txa mhamba yo hiswa; sekoko mnoha wu wu nga sala a na wu thela hafuhi ka txonetxo txiluvelo txa mhamba yo hiswa.

Levhi 4:17

Se mphaxeli a na nakanisa litiho amu ka mnoha, e xwayela ngu wona mtxhanu wa sikhati ni simbidi masoni ka Mkoma, ni masoni ka m'jiyo.

Mitengo 19:4

Se mphaxeli Eleyazari, ngu msana, a na beta litiho lakwe mndani ka homu, e teka mnoha wa kona e xwayela ngu wona mtxhanu wa makhati ni mambidi, madhawani ka ditimba da ditenda da msengeletano.

Levhi 25:8

U na bala mtxhanu wa mavhiki ni mambidi a malembe, i ku mtxhanu wa malembe ni mambidi a ku wuyeletwa mtxhanu ni kumbidi, se ku ma pata otshe ma dinganako mtengo wa mune wa magumi ni mtxhanu ni mune wa malembe.

Eksodha 40:21

A to wuletisa dibhokiso amu ka ditenda do sawuleka, a txi hayeka nguwo ya m'jiyo, a txi fenengeta ngu yona dibhokiso da wufakazi, nga tonti Mkoma a nga leletelisa tona ka Mosi.

Eksodha 40:26

A to veka txiluvelo txa nzalama amu ka ditenda da msengeletano, ngu masoni ka nguwo ya m'jiyo,

Levhi 8:11

Se a to xwayela txiluvelo mtxhanu wa sikhati ni simbidi ngu mtona, e tota ngu wona simaha sotshe, mkamba wa kona ni txikazelo txa kona, kasi ku si sawulekisa.

Levhi 14:7

Se a na xwayela mtxhanu wa sikhati ni simbidi ngu sona ka wule a basiswako ka mtungu wa tshekela, e m'gela ti to a basile, ngu msana e leka txinyana txo hanya txi puruma txiya txitingani.