Levhi 4:35 - Bhiblia Yo Sawuleka

³⁵ Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.

Levhi 4:35 Referans Kwoze

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Levhi 14:18

Se mtona wu wu nga sala mu ka dianza, mphaxeli a na wu tota ha msungo ka wule a basiswako, se a na mmahela mhamba ya kudihela txionho, masoni ka Mkoma.

Levhi 6:7

Kambe mphaxeli a na maha mningelo wa kudivalelwa ngu wona masoni ka Mkoma, se a na divalelwa ka totshe tile a nga maha ti txi mmanisa mnandu.

1 Johani 2:2

Ene ngene i ku mhamba ya kudihela sionho sathu, kambe hi nga sionho sathu kugwita, aniko ni sa dotshe ditiko.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

1 Pedro 2:22

Ene kha maha txionho, ni txisofu txakwe kha txa womba makuhu.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Vahebheru 4:14

Aku athu hi ku ni mphaxeli wa hombe, awu a nga dhawula makenekene a txi ya huma nzumani, Jesu Kristu, Mwanana wa Txizimu, hi fanete kuva ni likholo la kutsana.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Vakolosa 1:14

awu ngu kota yakwe hi nga mana kutirulwa ni kudivalelwa sionho.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Varoma 10:4

Nguko magwito a mlayo ngu Kristu, awu a ningako kululama ka wuhi ni wuhi a kholwako kwakwe.

Varoma 8:1

Sekonakuwa kha ku nga ngadi ho kuabaniswa ka vale va ku ka Kristu Jesu.

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.

Mitengo 15:25

Se mphaxeli a na maha mphaxo wa m'diho wa txionho, kasi kubasisa msengeletano wotshe wa vanana va ka Israyeli, kasi kudivalelwa, nguko kuonha ka kona kumahilwe ngu phazamo, se vona va henile mningelo wawe i ku mphaxo wu hiselwako Mkoma, ni mphaxo wawe masoni ka Mkoma, ngu mhaka ya sionho sawe, asi va nga si maha ngu phazamo yawe.

Levhi 14:53

Se ngu msana a na leka txinyana txo hanya txi puruma ngu kutxhatxheka txi txi ya hahanze ka didhoropa, a txi maha mhamba yo sawulekisa nyumba, aha yona yi no maneka yi txi basa.

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Levhi 9:7

Se Mosi a to khene ka Aroni: Tshuketa ha txiluveloni, u maha mphaxo wako wa txionho, ni mningelo wa mhamba yo hiswa, u maha mhamba ya kudihela txionho, ngu didhawa dako ni didhawa da vathu, ngu toneto kambe, maha mningelo wa mhamba ya vathu votshe, u va mahela mhamba yo divalelwa txionho, nga tonti a nga womba Mkoma Txizimu.

Levhi 5:13

Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Levhi 5:10

Aniko ngu da wumbidi a na maha mhamba yo hiswa, nga ti mlayo wu rumako tona. Mphaxeli a na maha ngu dona mhamba yo kuwula txionho txi a nga txi maha, se a na divalelwa.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Mitengo 15:28

Mphaxeli a na maha ka Mkoma mphaxo wa txionho txa m'thu wu a nga onha ngu kulunduma, masoni ka Mkoma, a txi mahelwa mphaxo wa txionho a na divalelwa.

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Levhi 19:22

Ngu mningelo wa mhamba, mphaxeli a na maha mhamba yo dihela txionho txa wule wamwamna ngu hamba yile, masoni ka Mkoma, ngu txona txionho txile, se txionho txi na divalelwa.