Levhi 4:32 - Bhiblia Yo Sawuleka

³² Aniko ngako a txi dhunda kumaha mhamba ngu txinvutana, kasi kudivalelwa txionho, a fanete e maha ngu txinvutana txa makati, txo mbina txibawa.

Levhi 4:32 Referans Kwoze

Levhi 4:28

Ngako va txi mkomba txionho txi ene a nga txi maha; sekoko na tisa mningelo wa maha mhamba yo kuwula txionho txakwe ngu phongo ya mkati, yo mbi na wulima.

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

1 Pedro 2:22

Ene kha maha txionho, ni txisofu txakwe kha txa womba makuhu.

Mtuletelo 5:6

Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Vaefesu 5:27

kasiku a txi di emisa masoni kwakwe, i di Dibanza do tshura, adi di ku si nga ni sibawa mwendo tingonye, mwendo tximwani txo fana ni soneso; aniko di txi maneka i di do sawuleka, adi di ku si nga ni txionho.

Johani 1:36

Ku ti ngako a txi wona Jesu na a txi pinda, a to khene: “Wonani Txinvutana txa Txizimu.”

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Isaya 53:7

Ene a to khoziswa, aniko kha tula txisofu; kufana ni txinvutana a to yiswa kudawani, ni kufana ni nvuta masoni ka wu a yi kayako, ene kha tula txisofu.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Eksodha 12:3

Wombani ka msengeletano wotshe wa ka Israyeli, mi txi khanu: Ngu ditshiku da digumi ka mtxima wuwa, mmwani ni mmwani a na ti tekele txinvutana tximwetxo ngu mwaya ni mwaya, txinvutana tximwetxo ngu m'ti ni m'ti.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.