Biblia Todo Logo
Bib sou entènèt

- Piblisite -




Levhi 4:31 - Bhiblia Yo Sawuleka

31 Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Gade chapit la Kopi




Levhi 4:31
39 Referans Kwoze  

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.


Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.


Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.


Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.


Ngu toneto, u na hisa hamba yotshe ha txiluveloni; mningelo wa kuhiswa wo lumba Mkoma, wo bhumula, mningelo wuwa mbwo mahela Mkoma.


Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.


va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.


Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.


Kha ditshuri, ngu mhamba yimweyo dwe, ene a va ningile kusawuleka ko hetiseka, vona vathu vava a va sawulekisako.


Kasi ene Kristu, a phaxile mhamba ya kudivalela sionho kumweko dwe. Msana keto, a ti ya khalahatsha txineneni ka Txizimu kala kupinduka;


Ene a wulete kumweko dwe ka wukhalo wo Sawuleka ngutu. Ene kha phaxa ngu mnoha wa tiphongo mwendo wa tihomu, aniko a phaxile ngu mnoha wakwe wupune, a txi hi ninga kuhanya ko mbi guma.


Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani


Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.


Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”


Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.


Mkoma a ti ti tsaka ngu ngene, ngu kuranda ka kululama kwakwe; a mkulisile ngu mlayo, e mmaha wo dhundeka.


Tekani koko mtxhanu wa marole ni mambidi, ni tihamba, mi tsula ka txithumi txangu Jobe, mi txi ya ningela mphaxo wo hiswa mipune, se txithumi txangu Jobe a na mi kombelela; nguko kutilava ni nga mtumelela, kasi ku ani ni si mi tshumeteli ngu wubihi wanu; nguko anu kha ma womba ditshuri ngu ngani, kufana ni txithumi txangu Jobe.


Va txi na ningela mphaxo wo bhumula kha kwati ka Txizimu txa nzumani, ve kombelela wutomi wa mfumeli ni wa vanana vakwe.


Kambe msana ka kuva a di kuwute masembe ni maswondo, ngu konaho, Mosi a to si hisa ha txiluveloni, kumweko ni nyama yotshe ya hamba. Ayiya i mhamba yo hiswa yo bhumula, mhamba yo dhumisa Mkoma, nga ti Mkoma a nga leletisa tona ka Mosi.


Mafura a didhuna a fanete e ma thavisa otshe a txi ma hisa ha txiluveloni;


txinyana txiya, a na txi bhanda ngu hagari ka mabhapi, aniko asi txi tshaputi; se mphaxeli a na txi hisa txiluveloni, txitimwi ka tikhuni ti ti ku ha mndiloni; i mhamba yo hiswa, mningelo wo fanela kuhiswa, wa kubhumula ko tsakisa Mkoma.


A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.


Se mphaxeli a na hungula ka wona didhawa di i ku da txialakanyiso, kasi ku e wu hisa aha ka txiluvelo. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.


Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.


Aniko ngu da wumbidi a na maha mhamba yo hiswa, nga ti mlayo wu rumako tona. Mphaxeli a na maha ngu dona mhamba yo kuwula txionho txi a nga txi maha, se a na divalelwa.


Se mtona wu wu nga sala mu ka dianza, mphaxeli a na wu tota ha msungo ka wule a basiswako, se a na mmahela mhamba ya kudihela txionho, masoni ka Mkoma.


Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.


Ngu mningelo wa mhamba, mphaxeli a na maha mhamba yo dihela txionho txa wule wamwamna ngu hamba yile, masoni ka Mkoma, ngu txona txionho txile, se txionho txi na divalelwa.


Se mphaxeli a na maha mphaxo wa m'diho wa txionho, kasi kubasisa msengeletano wotshe wa vanana va ka Israyeli, kasi kudivalelwa, nguko kuonha ka kona kumahilwe ngu phazamo, se vona va henile mningelo wawe i ku mphaxo wu hiselwako Mkoma, ni mphaxo wawe masoni ka Mkoma, ngu mhaka ya sionho sawe, asi va nga si maha ngu phazamo yawe.


Swiv nou:

Piblisite


Piblisite