Levhi 4:3 - Bhiblia Yo Sawuleka

³ ngako i di mphaxeli, a nga maha txionho, e maha txikhuvekiso ka vathu, a na ningela ka Mkoma, kota mhamba yo kuwula txionho, dirole do mbi limala.

Levhi 4:3 Referans Kwoze

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Levhi 4:14

nga ti txionho txi di tumbutwe, sekoko msengeletano wu na ningela dirole ka Mkoma, da kudivalelwa ka txionho, masoni ka ditenda da msengeletano.

Vahebheru 5:3

Ngu toneto, a fanela kuphaxa timhamba a txi alakanya sionho sakwe ni sa vathu votshe.

Ezra 8:35

Sekoko avale va nga wuyiswa ngu wukhumbini va ningete miphaxo yo hiswa ka Txizimu txa ka Israyeli: Digumi da marole ni mambidi, ngu mhaka ya votshe va ka Israyeli, mtxhanu wa magumi ni mune a tihambana ni mtxhanu ni yimweyo, mtxhanu wa magumi ni mambidi a tinvuta, ni digumi da vamabhongwe kota mningelo ngu mhaka ya txionho; sotshe si txi hiselwa Mkoma.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Ezekhiyele 43:19

Se vaphaxeli va ka Levhi, i ku va liveleko la ka Zadhoki, va tshuketelako kwangu (kuwomba Mkoma Txizimu) ku ta ni thumela, u na va ninga dirole, kasi kukuwula sionho.

Eksodha 29:21

Sekoko u na teka mnoha wu wu ku ha txiluveloni, u txi teka mtona wa kutotwa ko gwitisa, u txi si xwayela ka Aroni ni syambalo sakwe, ka vanana vakwe ni syambalo sawe; a na va a di sawulekisile ene ni syambalo sakwe, vanana vakwe ni syambalo sawe ni vona.

Eksodha 29:14

Aniko, nyama ya dirole, didhowo da kona ni mswanye wa kona, u na ya si hisela hahanze ka wugovelo. Awuwa mphaxo wo dihela sionho.

Eksodha 29:7

U na teka mtona wa kutotwa ko gwitisa, u txi wuthela ha msungo kwakwe, se ngu toneto u na va u txi m'tota.

Mitengo 8:8

Sekoko ngu msana keto va na teka dirole da matune, kumweko ni mphaxo wa sakudya, i ku mpupu wo basa, awu wu nga kanyangelwa ngu mtona, ni dirole dimwani da mphaxo wa txionho.

Levhi 16:11

Se Aroni a na ningela dirole da mhamba yo divalela txionho, yo lumba ene apune, ni txa ngamu yakwe; e di daya dirole da mningelo wo hiswa.

Levhi 16:6

Msana keto, Aroni a na ningela dirole da matune, da mningelo wu wo divalela sionho sakwe; kambe a na maha ngu mhaka ya sionho sakwe, ni sa ngamu yakwe.

Levhi 8:12

Msana keto, a to thela mtona ha msungo ka Aroni, e maneka a di katekisilwe masoni ka Txizimu.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Eksodha 30:10

Kumweko ngu dilembe, Aroni a na maha mhamba yo dihela sionho, txitimwi ka titxheho ta ha txiluveloni ngu mnoha wo dihela sionho, ka ditshiku da mningelo, kumweko ngu dilembe, ene a na maha mningelo ka txona, ngu tiveleko tanu; txiluvelo txiya txi na va txo sawuleka ngutu masoni ka Mkoma.”

Vahebheru 9:12

Ene a wulete kumweko dwe ka wukhalo wo Sawuleka ngutu. Ene kha phaxa ngu mnoha wa tiphongo mwendo wa tihomu, aniko a phaxile ngu mnoha wakwe wupune, a txi hi ninga kuhanya ko mbi guma.

Levhi 4:5

Sekoko mphaxeli wo totwa mafura, a na teka mnoha wa dirole, e wu tisa mu ditendani ka msengeletano;

Levhi 4:23

mwendo txionho txile a nga txi maha, txi txi ziwa, sekoko a tisa mabhongwe wo tekwa hagari ka tiphongo, kasi ku ta maha mphaxo wa kuthavisa txionho.

Levhi 4:28

Ngako va txi mkomba txionho txi ene a nga txi maha; sekoko na tisa mningelo wa maha mhamba yo kuwula txionho txakwe ngu phongo ya mkati, yo mbi na wulima.

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

2 Makronika 29:21

Se va to naha mtxhanu wa marole ni mambidi, ni mtxhanu wa tihamba ni timbidi, ni mtxhanu wa sivuntana ni simbidi, ni mtxhanu wa tiphongo ni timbidi ve maha mhamba yo thavisa sionho sa wukoma ni sa wukhalo wo sawuleka ni sa ka Judha, se Ezekhiya a to gela vaphaxeli vanana va Aroni ti to ve ningela txitimwi ka txiluvelo txa Mkoma.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Levhi 1:10

Ngako m'thu a txi lava kumaha mningelo wa mhamba yo hiswa ngu txihari txatxidotho, nvuta mwendo phongo, njihari txa matune, txo mbi limala,

Levhi 6:18

Votshe vavamna hagari ka vanana va Aroni, va na dya sa mningelo wa sakudya; txi na va txileleto txa kwa mbi gwita ka tihunzu tanu, hagari ka miningelo yo hiswa ka Mkoma; ni wihi a no si gwesa a na sawuleka.

Levhi 9:3

Ngu msana, womba ka va ka Israyeli u txi khawe: Tekani mabhongwe, e mahwa mhamba yo thavisa txionho, ni dirole, ni txihambana, sa dilembe dimwedo, so mbi na sibawa, kasi kumaha mningelo wo hiswa,

Levhi 16:3

Aroni a fanete kuwulela ka wukhalo wo sawuleka, ngako a di ni dirole da mhamba yo kuwula txionho, ni hamba yo hiswa.

Levhi 16:5

Se ka msengeletano wa vanana va ka Israyeli, u na teka vamabhongwe vambidi, kasi kumaha mhamba yo kuwula txionho, ni hamba yimweyo ya mningelo wo hiswa.

Ezekhiyele 40:39

Ka m'hubhe wa ha txikeni, ku ti ti ni timeza timbidi ka didhawa dimwedo, ni timbidi ka dimwani, kasi kudayela ka tona miningelo yo hiswa, ni mningelo wa kudivalelwa ka txionho, ni mnandu.

Ezekhiyele 44:27

Ka ditshiku dile mphaxeliyo a wulelako ka wukhalo wo sawuleka, ka mtendela wa mndani, kasi kuthuma ka wukhalo wo sawuleka, a na ningela mningelo wa kudivalelwa kwakwe sionho, kuwomba Mkoma Txizimu.