Levhi 4:26 - Bhiblia Yo Sawuleka

²⁶ Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

Levhi 4:26 Referans Kwoze

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Mitengo 15:28

Mphaxeli a na maha ka Mkoma mphaxo wa txionho txa m'thu wu a nga onha ngu kulunduma, masoni ka Mkoma, a txi mahelwa mphaxo wa txionho a na divalelwa.

Levhi 5:10

Aniko ngu da wumbidi a na maha mhamba yo hiswa, nga ti mlayo wu rumako tona. Mphaxeli a na maha ngu dona mhamba yo kuwula txionho txi a nga txi maha, se a na divalelwa.

Levhi 4:35

Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 3:5

Se vanana va Aroni, va na si hisa sothseso ha txiluveloni, kumweko ni mningelo wo hiswa, wu wu no hiswa txitimwi ka tikhuni. Awu mningelo wu na hiswa kasi kudhumisa Mkoma, yi txi maha mhamba ya ku mtshakisa.

Levhi 6:7

Kambe mphaxeli a na maha mningelo wa kudivalelwa ngu wona masoni ka Mkoma, se a na divalelwa ka totshe tile a nga maha ti txi mmanisa mnandu.

Levhi 5:18

A fanete kuteka hamba yo mbi na txibawa, e yi yisa ka mphaxeli, madingano ni txionho txakwe. Se mphaxeli a na maha mhamba yo kuwula txionho txi a nga txi maha ngu kulunduma, se ene a na divalelwa.

Levhi 5:16

Ngu kumaha keto, a na dihisa ngu kuhumisa ka mtxhanu male, yo dinganisa sile so sawuleka a nga ti tekile, se a na si yisa ka mphaxeli; ngu msana, mphaxeli, ngu txinvutana txa kudivalela txionho txa m'thu wule, a na maha mhamba ya kudivalelwa ka txionho.

Levhi 5:13

Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Levhi 1:4

Se a na sanzeka dianza dakwe ka msungo wa txihari txa mhamba yo hiswa, kasi ku mhamba yi amukelwa, se ene e mana kudivalelwa sionho sakwe.

Levhi 4:19

Mafura a didhuna a fanete e ma thavisa otshe a txi ma hisa ha txiluveloni;

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Levhi 14:18

Se mtona wu wu nga sala mu ka dianza, mphaxeli a na wu tota ha msungo ka wule a basiswako, se a na mmahela mhamba ya kudihela txionho, masoni ka Mkoma.

2 Makronika 29:24

Se vaphaxeli va to daya tiphongo ve teka mnoha wa tona va txi miyatela txitimwi ka txiluvelo ve maha mhamba yo thavisa sionho sa votshe va ka Israyeli, nguko mfumeli a to leleta to kumahwa mningelo wa hiswa ni kumaha mhamba yo thavisa sionho sa votshe va ka Israyeli.

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Levhi 17:11

Nguko wutomi wa mmidi wu maneka mu ka mnoha; ngu toneto ni nga mi ninga txiluvelo, kasi kumaha mhamba yo divalela txionho, nguko ngu mnoha ta koteka hulukisa wutomi.

Levhi 19:22

Ngu mningelo wa mhamba, mphaxeli a na maha mhamba yo dihela txionho txa wule wamwamna ngu hamba yile, masoni ka Mkoma, ngu txona txionho txile, se txionho txi na divalelwa.

Mitengo 15:25

Se mphaxeli a na maha mphaxo wa m'diho wa txionho, kasi kubasisa msengeletano wotshe wa vanana va ka Israyeli, kasi kudivalelwa, nguko kuonha ka kona kumahilwe ngu phazamo, se vona va henile mningelo wawe i ku mphaxo wu hiselwako Mkoma, ni mphaxo wawe masoni ka Mkoma, ngu mhaka ya sionho sawe, asi va nga si maha ngu phazamo yawe.

Ezekhiyele 43:22

Se ka ditshiku da wumbidi, u na ningela mabhongwe mmweyo wa kwa mbi na txibawa, kasi kudivalelwa ka sionho; a na basisa txiluvelo, nga kule va nga txi sawulekisa ngu dirole.