Levhi 4:25 - Bhiblia Yo Sawuleka

²⁵ Mphaxeli a na teka ngu litiho mnoha wa mabhongwe wu va nga maha ngu ngene mhamba yo kuwula txionho, e tota ngu wona ha ka titshoka ta txiluvelo txa mhamba yo hiswa; sekoko mnoha wu wu nga sala a na wu thela hafuhi ka txonetxo txiluvelo txa mhamba yo hiswa.

Levhi 4:25 Referans Kwoze

Levhi 4:34

Msana keto, Mphaxeli a na beta litiho mu ka mnoha wa txihari e totela titshoka ta txiluvelo txa timhamba to hiswa, sekoko mnoha wu wu nga sala, a na wu thela hafuhi ka txiluvelo.

Levhi 4:30

Mphaxeli a na beta litiho lakwe mu ka mnoha wa txihari e totela ngu wona titshoka ta txiluvelo txa mhamba yo hiswa, mnoha wu wu salako a fanete ku wu thela hafuhi ka txiluvelo.

Levhi 4:18

Se ngu wona mnoha wule, a na totela titshoka ta txiluvelo txi txi ku ngu masoni ka Mkoma, ngu mndani ka ditenda da msengeletano. Wumwani mnoha a na wu thela ha txiluveloni ka mhamba yo hiswa, txi ku ngu masoni ka ditenda da msengeletano.

Levhi 4:7

Mphaxeli a na totela ngu mnoha titshoka ta txiluvelo, ahawa ku hiselwako kona dibaselo ngu masoni ka Mkoma, mu ka ditenda da msengeletano, se a na thela mnoha wu wu nga sala wa dirole, aha ka txiluvelo, txa miningelo yo hiswa, txi ku ngu ha txikeni ka ditenda da msengeletano.

Levhi 9:9

Vanana va Aroni va to mninga mnoha, aha Aroni a nga beta litiho e li nakanisa, a txi tota mnoha aha ka titshoka ya txiluvelo, se a to thela mnoha hafuhi ka txiluvelo, awu wu nga sala.

Vahebheru 9:22

Madingano ni kuruma ka mlayo, sotshe simaha si fanete kubasiswa ngu mnoha; se hahanze ka mnoha, kuwalo divalelo ya sionho.

Varoma 10:4

Nguko magwito a mlayo ngu Kristu, awu a ningako kululama ka wuhi ni wuhi a kholwako kwakwe.

Isaya 40:21

Ina kha mi tizivi kani? Ina kha mi ti pfi kani? Mwendo kha ma ziviswa mhaka yiya makhatoni kani? Hambi kupima makhato a mafu kani?

Levhi 16:18

Ngako a di humile, a na ya ka txiluvelo txi txi ku masoni ka Mkoma, a di ni mnoha wa dirole ni wa mabhongwe, e xwayela ngu wona titshokata madhawani ka txiluvelo.

Levhi 8:15

Se Mosi a to wila thamo ya txirolyana; e nakanisa litiho mu ka mnoha, se e totela ngu wona ka madhawa a txiluvelo, ngu kurendelekisa, kasi kusawulekisa txiluvelo. Mnoha wu wu nga sala, a to wu thela hafuhi ka txiluvelo, e txi sawulekisa, ti to mhamba yo kuwula txionho yi txi mahelwa konaho.

Levhi 8:10

Sekoko, Mosi a to teka mtona wo tola e tota wukhalo wo sawuleka, ni sotshe si si manekako konaho, se sotshe si manekile si di sawulekil.

Vahebheru 2:10

Kha ditshuri, ti ni fanelo, ti to awule a lumbwako ngu sotshe, awu kambe i ku ene a nga si va nga, ngako a nga lava kuguleta vanana vavangi a txi va veka ka txikhunja txa wudhumo, e thanga ngu kusawulekisa Muhanyisi wa kona ngu wuhetiseki wa sixaniso.

Levhi 4:24

Mfumeli wuwa a na sanzeka dianza dakwe ha msungo ka mabhongwe e mu wila mkolo, kona ha wukhaloni hale va mahelako kona mhamba yo hiswa, masoni ka Mkoma. I mhamba yo kuwula txionho.

Eksodha 29:12

U na teka mnoha wa wudotho wa dirole u txi wu tota aha ka magwito ka makhona a txiluvelo ngu litiho, a wu wu no sala u na wu theketa hafuhi ka txiluvelo.

Levhi 5:9

Se ngu mnoha wa wule wa kudivalela txionho, a na xwayela ha disetani ka txiluvelo, ani mnoha wu wu salako a na wu theletela hafuhi ka txiluvelo. Ayiya i mhamba yo kuwula txionho, txi a nga tximaha, se a na divalelwa.

Levhi 17:11

Nguko wutomi wa mmidi wu maneka mu ka mnoha; ngu toneto ni nga mi ninga txiluvelo, kasi kumaha mhamba yo divalela txionho, nguko ngu mnoha ta koteka hulukisa wutomi.