Levhi 4:22 - Bhiblia Yo Sawuleka

²² Ngako i di mthangeli wokari a nga onha ngu kulunduma, a txi maha ti ti tsimbwako ngu Mlayo wa Mkoma Txizimu, a ti mahete mnandu ngu toneto;

Levhi 4:22 Referans Kwoze

Levhi 4:2

Womba ka vanana va ka Israyeli u txi khawe: Ngako m'thu a txi onha ngu kulunduma, e maha ti ti tsimbwako ngu Mlayo wa Mkoma, e maha ti ti si lavekiko kumahwa;

Levhi 4:13

Ngako i di msengeletano wotshe wa ka Israyeli wu nga onha, ngu kulunduma, wu txi maha ti ti tsimbwako ngu Mlayo wa Mkoma, se votshe ve maneka va di onhile,

Mitengo 31:13

Aniko Mosi ni mphaxeli Eleyazari, ni votshe vahombe va msengeletano, va to huma ve va amukela hahanze ka dizumbo.

Mitengo 16:2

va to bhongela Mosi kumweko ni 250 wa vavamna va ka Israyeli, ava i ku vahombe va msengeletano, i ku siro sa habanza, na i ti madhota a ndhuma.

Levhi 4:27

Se ngako ni wihi m'thu nga kulunduma e onhela Mlayo wa Mkoma, a txi mana mnandu ngu toneto, kufela ku e ziva txionho txi a nga txi maha, a fanete kumaha mphaxo wa txionho txakwe, ngu phongo ya mkati yo mbina wulima.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Mitengo 15:24

Ngako i di kuonha ngu phazamo, na msengeletano wu sa nga tiziva, se wotshe msengeletano wu na ningela didhuna da mningelo wo hiswa, wo bhumula, masoni ka Mkoma, ni mningelo wa sakudya, ni sa kusela, madingano ni txileleto txa kona; msengeletano wu na ningela ni mabhongwe, kasi kumaha mphaxo wa kona.

Mitengo 32:2

Va tota koko vanana va Gadhi ni vanana va Rubheni, ve ta gela Mosi, ni mphaxeli Eleyazari, ni vahombe va msengeletano, va txi kha vona:

Mitengo 35:11

mahani ti to madhoropa meva manzani kwanu, madhoropa a wuthavelo, kasi kuamukelwa ka ona, wule a no daya wokari ngu kuphazama.

Ekleziyaste 5:6

U nga tumele taku txisofu txako txi onhisa mmidi wako, hambi kuwomba masoni ka ngelozi taku i phazamo; ngu kutxani Txizimu txi no henyela dipswi dako, txi khundumusela mithumo ya manza ako kani?

Levhi 5:17

Se ngako m'thu a di onhile ngu kumaha to biha, e tsulupeta mlayo wokari wa Txizimu, e maha ti ti si faneliko kumahwa, hambi asi ti zivi, a na va ni txionho, kambe a rwate mnandu.

Mitengo 15:22

Se ngako mi txi thuka mi hoheta ngu kwa mbi xayisa milayo yotshe ya Mkoma, ayi yi nga leletwa Mosi,

Masalmo 19:13

Kambe hulukisa txithumi txako amu ko tikulisa; kasi ku ku si fumi kwangu; ngu kumaha keto, ni na va ni di thembekile, ni si nga ni txisolo ni txi ti hulukisa ka sionho sa hombe.