Levhi 4:20 - Bhiblia Yo Sawuleka

²⁰ se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Levhi 4:20 Referans Kwoze

Mitengo 15:25

Se mphaxeli a na maha mphaxo wa m'diho wa txionho, kasi kubasisa msengeletano wotshe wa vanana va ka Israyeli, kasi kudivalelwa, nguko kuonha ka kona kumahilwe ngu phazamo, se vona va henile mningelo wawe i ku mphaxo wu hiselwako Mkoma, ni mphaxo wawe masoni ka Mkoma, ngu mhaka ya sionho sawe, asi va nga si maha ngu phazamo yawe.

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

1 Johani 2:2

Ene ngene i ku mhamba ya kudihela sionho sathu, kambe hi nga sionho sathu kugwita, aniko ni sa dotshe ditiko.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Varoma 5:11

Kambe hi nga toneto tokha, aniko kambe ha giya ngu ka Txizimu, ngu mhaka ya Mkoma wathu Jesu Kristu, awuwa hi nga mana kutshanganiswa ngu ngene.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Mitengo 15:28

Mphaxeli a na maha ka Mkoma mphaxo wa txionho txa m'thu wu a nga onha ngu kulunduma, masoni ka Mkoma, a txi mahelwa mphaxo wa txionho a na divalelwa.

Levhi 14:18

Se mtona wu wu nga sala mu ka dianza, mphaxeli a na wu tota ha msungo ka wule a basiswako, se a na mmahela mhamba ya kudihela txionho, masoni ka Mkoma.

Levhi 6:7

Kambe mphaxeli a na maha mningelo wa kudivalelwa ngu wona masoni ka Mkoma, se a na divalelwa ka totshe tile a nga maha ti txi mmanisa mnandu.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

Levhi 1:4

Se a na sanzeka dianza dakwe ka msungo wa txihari txa mhamba yo hiswa, kasi ku mhamba yi amukelwa, se ene e mana kudivalelwa sionho sakwe.

Eksodha 32:30

Mangwanani ka kona, Mosi a to womba ka vathu a txi khene: “Anu mi mahile txionho txa hombe. Hambi keto, ni na kwela ni txi ya ka Mkoma, mwendo ni na ya mana kudivalelwa ka txionho txanu.”

Levhi 4:8

A na thavisa otshe mafura a dirole di di nga ningelwa kuva mhamba ya kudivalelwa txionho: Mafura otshe ale ma nga pomela masembe a txihari,

Levhi 4:21

Mphaxeli a na ruma ti to didhuna di humiswa hahanze ka wugovelo, se koneyo a na ya di hisa mndiloni, nga ti a nga maha ngu didhuna do khata. Ayiya i mhamba yo mahela txionho txa msengeletano.

Levhi 4:35

Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.

Levhi 5:10

Aniko ngu da wumbidi a na maha mhamba yo hiswa, nga ti mlayo wu rumako tona. Mphaxeli a na maha ngu dona mhamba yo kuwula txionho txi a nga txi maha, se a na divalelwa.

Levhi 5:13

Mphaxeli a na maha mhamba yo basisa txionho ngu wona, txionho txi m'thu eneyo a nga txi maha, txionho txihi ni txihi txi na divalelwa. Mpupu wuwa wu no sala, mbwa mphaxeli, nga ti kumahwako ngu mningelo wa sakudya.

Levhi 5:16

Ngu kumaha keto, a na dihisa ngu kuhumisa ka mtxhanu male, yo dinganisa sile so sawuleka a nga ti tekile, se a na si yisa ka mphaxeli; ngu msana, mphaxeli, ngu txinvutana txa kudivalela txionho txa m'thu wule, a na maha mhamba ya kudivalelwa ka txionho.

Levhi 5:18

A fanete kuteka hamba yo mbi na txibawa, e yi yisa ka mphaxeli, madingano ni txionho txakwe. Se mphaxeli a na maha mhamba yo kuwula txionho txi a nga txi maha ngu kulunduma, se ene a na divalelwa.

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Levhi 19:22

Ngu mningelo wa mhamba, mphaxeli a na maha mhamba yo dihela txionho txa wule wamwamna ngu hamba yile, masoni ka Mkoma, ngu txona txionho txile, se txionho txi na divalelwa.