Levhi 4:15 - Bhiblia Yo Sawuleka

¹⁵ Se madhota a msengeletano ma na sanzeka manza a ona ha msungo ka txidhunana, masoni ka Mkoma, konaho didhuna di na wilwa mkolo.

Levhi 4:15 Referans Kwoze

Levhi 1:4

Se a na sanzeka dianza dakwe ka msungo wa txihari txa mhamba yo hiswa, kasi ku mhamba yi amukelwa, se ene e mana kudivalelwa sionho sakwe.

Mitengo 11:25

Mkoma a to txhika ngu mu ka direfu, e ta womba-womba ni Mosi; se e teka moya wakwe e wu thela ka madhota ale a mtxhanu wa magumi ni mambidi. Se mbimo si moya wu nga wulela ka vathu, vona va to profeta; hambi keto, kha va nga engeta ve profeta kambe.

Mitengo 11:16

Se Mkoma a ti khene ka Mosi: “Dhana madhota a mtxhanu wa magumi ni magumi mambidi, a vanana va ka Israyeli, ava u ti zivako taku madhota a vathu, ni vathangeli va kona; u va yisa masoni ka ditenda da msengeletano, amu va no ya maneka kona ni nawe.”

Mitengo 8:10

Ku nga ti u txi tshuketisa Valevhi masoni ka Mkoma, vanana va ka Israyeli va na sanzeka manza awe txitimwi ka misungo yawe.

Levhi 16:21

Se Aroni a na sanzeka manza ha msungo ka mabhongwe wo hanya, se e ti tshanza ngu wotshe wubihi wa vanana va ka Israyeli, ni wotshe wuhambunyeti wawe, madingano ni sotshe sionho sawe; a na si veka txitimwi ka msungo wa mabhongwe, a txi m'heleketa txiwulani, ngu dianza da m'thu wu a nga emiselwa kumaha toneto.

Levhi 8:22

Msana keto, Mosi a to ruma ti to kutiswa hamba ya wumbidi ya mhamba yo katekisa mphaxeli, aha Aroni ni vanana vakwe va nga sanzeka manza awe ha msungo ka hamba;

Levhi 8:14

Sekoko Mosi a to ruma kuve tisa txirolyana txa mhamba ya txionho; Aroni ni vanana vakwe va to sanzeka manza awe ha msungo ka txirolyana txa mhamba ya kuthavisa txionho.

Levhi 4:4

A na ningela dirole ka Mkoma e di tisa ha txikeni ka msengeletano, a na sanzeka dianza ha msungo ka dirole, a di wila mkolo, masoni ka Mkoma.

Eksodha 24:9

Mosi, ni Aroni, ni Nadhabhi, ni Abhiyu, ni madhota a mtxhanu wa magumi ni magumi mambidi va to kwela va txi ya mmangoni,

Eksodha 24:1

Msana keto, a to khene ka Mosi: “Kwela u txi ya ka Mkoma, awe ni Aroni, ni Nadhabhi, ni Abhiyu, ni mtxhanu wa magumi ni mambidi a madhota a ka Isareli; se mi na khizama mi di kule.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Levhi 4:16

Sekoko mphaxeli wu a nga totwa mafura a na teka mnoha wa didhuna e wu yisa mu ka ditenda do sawuleka.

Levhi 8:18

Msana keto, Mosi a to ruma ti to hamba yi tiswa, kasi ku ta maha mningelo wa mhamba yo hiswa; se Aroni ni vanana vakwe, va to sanzeka manza awe ha msungo ka hamba;

Mitengo 8:12

Valevhi ngu msana, va na sanzeka manza ha misungo ka marole; se u na teka didhuna dimwedo u txi maha mphaxo ngu dona, mphaxo wa txionho; se dimwani didhuna u na maha mphaxo wa kuhiswa ka Mkoma, kasi ti to Valevhi ve mahelwa mphaxo wa txionho.

2 Makronika 29:23

Va to naha ni tiphongo ta mhamba ya txionho masoni ka mfumeli ni ka msengeletano ve sanzeka manza awe txitimwi ka tona.