Levhi 3:9 - Bhiblia Yo Sawuleka

⁹ Sekoko ka wona mphaxowo wa kuthutha, asiya si fanelako kuhiswa si maha mhamba ka Mkoma, ngu mafura, mkila wo wilwa ta tinene ngu ha tshina, ni otshe mafura, ni mafura otshe ma ku mndani ka mrumbu wa txihari,

Levhi 3:9 Referans Kwoze

Levhi 9:19

Ngu mhaka ya mafura a didhuna ni a hamba, dibhesa, mafura awa ma pomelako titsho, ni diwomba da txivindi,

Eksodha 29:22

Ngu msana u na teka ka hamba, mafura, dibhesa, mafura aale ma pomelako masembe, diwomba da txivindi, titsho ta timbidi, ni mafura a txona, ni dithumbi da txinene, nguko hamba yiya nja mhamba ya ku emiselwa wuphaxeli.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Levhi 8:25

Se a to teka mafura ni mkila, mafura a masembe, diwomba da txivindi, ni titsho timbidi, ni mafura ale ma ti pomelako, ni txiphanga txa txinene.

Levhi 7:3

A na thavisa ka txiharitxo mafura otshe: Mkila ni mafura aha ka mrumbu,

Levhi 17:5

Kasi ku vanana va ka Israyeli ve wuyisa ka Mkoma sihari si va nga daya hahanze ka wugovelo, va txi si neha kasi ku si maha mhamba ya mpatano.

Mitengo 7:88

se totshe tihomu, kasi kumaha mphaxo wa kuthutha, i ti ti magumi mambidi ni mune wa marole; ni mtxhanu wa magumi ni dimwedo a tihamba, ni mtxhanu wa magumi ni dimwedo a vamabhongwe, ni mtxhanu wa magumi ni dimwedo a sinvutana sa dilembe dimwedo; awuwa ngu wona mningelo wa kusawulekisa txiluvelo, msana ka kuva txi di totilwe.

1 Samuwele 10:8

Awe koko, u na thangela masoni kwangu uya Giligali, se wona taku ani ni na kulondeta ngu msana, kasiku kuya maha miphaxo yo hiswa, ni kuningela mningelo wa kudikha; koneyo u naya ni emela mtxhanu wa masiku ni mambidi, kala kuza ni ta kwako ni ta kugela ti u feleko ku timaha.

2 Samuwele 6:17

Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma.

1 Vafumeli 3:15

Se Solomoni a to wuka, e wona taku a ti ko lora. Se a to ta Jerusalema, a txi ta ti veka hafuhi ni dibhokiso da txitumelelano txa Mkoma, se a to ningela miphaxo, a to longisela miphaxo ya kudikha, se a to mahela m'buso wa hombe vathu vakwe votshe.

1 Vafumeli 8:63

Se Solomoni a to ningela mphaxo ngu kuthutha, mphaxo wu a nga wu maha ka Mkoma, 22.000 wa tihomu ta mikati, mbwa ni 120.000 wa tinvuta; ngu kumaha keto mfumeli ni votshe vanana va ka Israyeli, va to ningelisisa Nyumba ya Mkoma.

1 Vafumeli 8:64

Ka dona ditshikwedo da dimwedo, mfumeli a to sawulekisa mtendela wa masoni ka Nyumba ya Mkoma; ngu konaho a nga lulamisela kona miphaxo ya kuhiswa ni miningelo, kumweko ni mafura a miphaxo ya kuthutha; nguko txiluvelo txa koporo txi nga ti masoni ka Mkoma, i ti ti txidotho, txi si eneli ku mahela kona miphaxo yo hiswa, ni miningelo, ni mafura a miphaxo ya kuthutha.

1 Makronika 16:1

Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.