Levhi 3:8 - Bhiblia Yo Sawuleka

⁸ Se u na sanzeka dianza dako ha msungo, ka txihari txi u txi ningelako, u txi txi wila mkolo, hafuhi ka ditenda da msengeletano; se vanana va Aroni va na xwayela ngu mnoha wa txihari kotshe madhawani ka txiluvelo.

Levhi 3:8 Referans Kwoze

Levhi 1:5

Ngu msana a na wila mkolo wa dirole masoni ka Mkoma; se vanana va Aroni, i ku vaphaxeli, va na maha mningelo, ngu mnoha awu va no xwayela ngu wona ka otshe madhawa a txiluvelo, txi txi ku ha txikeni ka ditenda da msengeletano.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Vaefesu 3:12

Ngu mtamo wakwe Kristu, ha tsana hi tshuketela hafuhi ka Txizimu ngu likholo, na hi di ni kuthemba.

Vaefesu 2:18

Ngu toneto, ngu mtamo wa Jesu, hotshethu vathu va tixaka tiya ta timbidi ha mana kuamukelwa ngu Tate ka wonewo Moya wawumwewo.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

2 Vakorinto 5:19

Eto tikomba ti Txizimu txi mahisako tona kasi kutshanganisa ditiko kumweko natxo ngu Kristu, na txi si na mhaka ngu minandu ya vathu; se txi hi ningile mthumo wuwa wa kutshanganisa vathu kumweko natxo.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Levhi 4:24

Mfumeli wuwa a na sanzeka dianza dakwe ha msungo ka mabhongwe e mu wila mkolo, kona ha wukhaloni hale va mahelako kona mhamba yo hiswa, masoni ka Mkoma. I mhamba yo kuwula txionho.

Levhi 4:15

Se madhota a msengeletano ma na sanzeka manza a ona ha msungo ka txidhunana, masoni ka Mkoma, konaho didhuna di na wilwa mkolo.

Levhi 4:4

A na ningela dirole ka Mkoma e di tisa ha txikeni ka msengeletano, a na sanzeka dianza ha msungo ka dirole, a di wila mkolo, masoni ka Mkoma.

Levhi 3:13

Se a na sanzeka dianza ha msungo ka yona, e yi wila mkolo masoni ka ditenda da msengeletano. Vaphaxeli i ku vanana va Aroni, va na xwayela ngu mnoha otshe madhawa a txiluvelo.

Levhi 1:11

se a na txi wila mkolo didhawa ka wuphemba ka txiluvelo, masoni ka Mkoma; se vanana va Aroni, i ku vaphaxeli, va na xwayela mnoha wa kona ka otshe madhawa a txiluvelo.

Levhi 1:4

Se a na sanzeka dianza dakwe ka msungo wa txihari txa mhamba yo hiswa, kasi ku mhamba yi amukelwa, se ene e mana kudivalelwa sionho sakwe.