Levhi 3:5 - Bhiblia Yo Sawuleka

⁵ Se vanana va Aroni, va na si hisa sothseso ha txiluveloni, kumweko ni mningelo wo hiswa, wu wu no hiswa txitimwi ka tikhuni. Awu mningelo wu na hiswa kasi kudhumisa Mkoma, yi txi maha mhamba ya ku mtshakisa.

Levhi 3:5 Referans Kwoze

Levhi 6:12

Mndilo koko wu na tura txitimwi ka txiluvelo, kha wu na mbi timeka; kambe mphaxeli a na engetela tikhuni ka wona mixo ni mixo, e veka kha kwati mningelo wo hiswa txitimwi ka txiluvelo, se ngu txitimwi ka kona a na hisa mafura, a miningelo ya mpatano.

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Eksodha 29:13

U na teka otshe mafura awa ma pomelako masembe, diwomba da txivindi, titsho ta timbidi ni mafura a kona, aale ma ti pomelako, u txi si hisa kasi ku u txi tuvikisa wutshi ni kubhumulisa, ngu txitimwi ka txiluvelo.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

2 Makronika 35:14

Msana keto, Valevhi va to longisa sakudya sawe ni sa vaphaxeli, nguko vaphaxeli vanana va Aroni, va mahile mthumo wo ningela mningelo wo hiswa ni wa mafura kala kuza di txiswa. Ngu kumaha keto, Valevhi va to longisa sakudya sawe ni sa vaphaxeli, vanana va Aroni.

1 Vafumeli 8:64

Ka dona ditshikwedo da dimwedo, mfumeli a to sawulekisa mtendela wa masoni ka Nyumba ya Mkoma; ngu konaho a nga lulamisela kona miphaxo ya kuhiswa ni miningelo, kumweko ni mafura a miphaxo ya kuthutha; nguko txiluvelo txa koporo txi nga ti masoni ka Mkoma, i ti ti txidotho, txi si eneli ku mahela kona miphaxo yo hiswa, ni miningelo, ni mafura a miphaxo ya kuthutha.

Levhi 4:35

Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 3:4

Sekoko totshe titsho tatimbidi, ni mafu ale ma nga namarela ka titsho ni ka masembe, ni sile si nga pambiyeta txivindi, u na ma thavisa kumweko ni titsho.

Levhi 3:11

Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.

Levhi 7:28

Mkoma a wombile ka Mosi a txi khene:

Levhi 9:17

A ningete kambe mningelo wa mpupu, awu a nga wela dianza do tala, ti to e wu hisa ha txiluveloni, kumweko ni mningelo wa mhamba yo hiswa, ni mixo.

Mitengo 15:8

Sekoko, u txi ningela ngu dirole da didhuna kasi kumaha mphaxo wo hiswa, ni wo tatisa txixambanyo, mwendo mphaxo wa kuthutha masoni Mkoma;

Mitengo 28:3

Se u na va gela tito: Mningelo wo hiswa wu mi ningelako ka Mkoma ngu wuwa: Mi na ningela tihamba timbidi ta dilembe dimwedo, ta kwa mbi na txibawa. Ewo wu na va mningelo wo hiswa wa ditshiku ni ditshiku.

Mitengo 28:12

Se ni mpimo wa wuraru ka wugumi, wo kanyangelwa ni mtona, wa mningelo wa sakudya, ka dirole; ni mpimo wa wumbidi ka wugumi, wa mpupu wo tshura, wo kanyangelwa ni mtona, i ku mningelo wa sakudya, ka hamba;

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

Levhi 1:17

txinyana txiya, a na txi bhanda ngu hagari ka mabhapi, aniko asi txi tshaputi; se mphaxeli a na txi hisa txiluveloni, txitimwi ka tikhuni ti ti ku ha mndiloni; i mhamba yo hiswa, mningelo wo fanela kuhiswa, wa kubhumula ko tsakisa Mkoma.

Mitengo 18:17

Aniko matiwula a homu ya makati, ni a nvuta, ni a phongo, kha ma na mbi tirulwa; nguko ma sawulekile: U na theketa mnoha wa kona ha txiluveloni, u hisa mafura a kona ngu mningelo wo hiswa, wo bhumula ka Mkoma.