Levhi 3:3 - Bhiblia Yo Sawuleka

³ Ka yona mhamba yiya ya kudikha, mphaxeli a na hisela Mkoma otshe mafura ma ku mndani ka mrumbu wa txihari.

Levhi 3:3 Referans Kwoze

Eksodha 29:13

U na teka otshe mafura awa ma pomelako masembe, diwomba da txivindi, titsho ta timbidi ni mafura a kona, aale ma ti pomelako, u txi si hisa kasi ku u txi tuvikisa wutshi ni kubhumulisa, ngu txitimwi ka txiluvelo.

Matewu 15:8

‘Avava vathu va ni dhumisa ngu sisofu sawe; aniko mbilu yawe yi kule ni nani.

Eksodha 29:22

Ngu msana u na teka ka hamba, mafura, dibhesa, mafura aale ma pomelako masembe, diwomba da txivindi, titsho ta timbidi, ni mafura a txona, ni dithumbi da txinene, nguko hamba yiya nja mhamba ya ku emiselwa wuphaxeli.

Varoma 6:6

Hotshethu ha tiziva ti to m'thu wathu wa kale a bethetwe ha txihambanoni kumweko ni Kristu, kufela ku mmidi wa txionho wu hasulwa, hi si swi kambe hi di tikhumbi ta txionho.

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Matewu 13:16

“Kambe ma katekile maso anu, nguko ma wona, ni tinzeve tanu nguko ta engisa.

Ezekhiyele 36:26

Se ni na mi ninga mbilu ya yiphya, kambe ni na thela moya wa wuphya mndani kwanu; ni na thavisa mbilu ya dirigwi ka nyama yanu, ni txi mi ninga mbilu ya nyama.

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Masalmo 119:70

Timbilu tawe ti bangile, kha va engisi, aniko ani na tsaka ngu mlayo wako.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Levhi 3:16

Otshe mafura ma nava a Mkoma; mphaxeli a fanete ku mahisa ha txiluveloni. Nzakudya si si ningelwako kumweko ni mhamba, ti to si na hiswa, kasi kutsakisa Mkoma, ngu kubhumula ka sona.

Levhi 1:8

Kambe vanana va Aroni, i ku vaphaxeli, va na veketela sihango sa nyama, msungo ni mafura, ngu txitimwi ka tikhuni ta mndilo wu wu ku txitimwi ka txiluvelo.

Levhi 1:12

Ngu msana, a na yi wilela ngu sihango, se mphaxeli e teka nyama ya kona kumweko ni msungo wa kona ni mafura, e si veka txitimwi ka tikhuni ti ti turako ngu mndilo ha txiluveloni.

Levhi 3:2

A na sanzeka dianza dakwe ha msungo ka txihari txi a no maha mhamba ngu txona, a na txi wila mkolo a di ha txikeni ka ditenda da msengeletano. Se vaphaxeli, i ku vanana va Aroni, va na xwayela ngu mnoha wa txona madhawani ka txiluvelo.

Levhi 3:4

Sekoko totshe titsho tatimbidi, ni mafu ale ma nga namarela ka titsho ni ka masembe, ni sile si nga pambiyeta txivindi, u na ma thavisa kumweko ni titsho.

1 Samuwele 2:15

Kambe na mafura ma sanzi kuhiswa, mfana wa mphaxeli a ti ti ta khene ka m'thu wule a ningelako mphaxo: Naheta nyameyo ni ya yokela mphaxeli, nguko kha na mbi amukela ngu kwako nyama yo bhikwa, hahanze ka yayimbiso.

Levhi 4:10

nga ti ti mahwako ngu homu ya mmningelo wa kuthtutha; se mphaxeli a na si hisa txitimwi ka txiluvelo txa mningelo wo hiswa.

Levhi 7:5

Se mphaxeli a na hisa ona mafurayo aha ka txiluvelo, kasi kudhumisa Mkoma. Etxo njimaha txo sawuleka ngutu.

Levhi 7:30

Ngu manza akwe apune a fanete kumaha mningelo wa si si lumbako Mkoma, i ku mafura ni khana; khana yi fanete kuningelwa ngu ku yi ndiwitela masoni ka Mkoma.

Levhi 9:10

A to hisa mafura a dirole ha txiluveloni, titsho ni diwomba da txivindi, nga tonti Mkoma a nga gelisa tona Mosi.

Levhi 16:25

Ngu kugwita a na hisa ha txiluveloni, mafura a sihari si si nga mahwa mningelo wa mhamba yo basisa txionho.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.