Levhi 3:2 - Bhiblia Yo Sawuleka

² A na sanzeka dianza dakwe ha msungo ka txihari txi a no maha mhamba ngu txona, a na txi wila mkolo a di ha txikeni ka ditenda da msengeletano. Se vaphaxeli, i ku vanana va Aroni, va na xwayela ngu mnoha wa txona madhawani ka txiluvelo.

Levhi 3:2 Referans Kwoze

Eksodha 29:10

U na maha ati to dirole di txi ta masoni ka ditenda da msengeletano, Aroni ni vanana vakwe ve veka manza awe txitimwi ka msungo wa dirole.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Mithumo 3:15

mi txi dayisisa mningi wa wutomi. Txizimu txi mwusile ngu ka vakufa; athu hi tifakazi ta eyo mhaka.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Levhi 8:22

Msana keto, Mosi a to ruma ti to kutiswa hamba ya wumbidi ya mhamba yo katekisa mphaxeli, aha Aroni ni vanana vakwe va nga sanzeka manza awe ha msungo ka hamba;

Levhi 1:11

se a na txi wila mkolo didhawa ka wuphemba ka txiluvelo, masoni ka Mkoma; se vanana va Aroni, i ku vaphaxeli, va na xwayela mnoha wa kona ka otshe madhawa a txiluvelo.

Eksodha 29:11

U na di kuva mkolo dirole masoni ka Mkoma, ha txikeni ka ditenda da msengeletano.

Eksodha 29:16

Hamba u na yi wila mkolo, u teka mnoha wa kona u txi wu xwayela ha txiluveloni ka madhawa otshe.

Levhi 3:3

Ka yona mhamba yiya ya kudikha, mphaxeli a na hisela Mkoma otshe mafura ma ku mndani ka mrumbu wa txihari.

Levhi 3:8

Se u na sanzeka dianza dako ha msungo, ka txihari txi u txi ningelako, u txi txi wila mkolo, hafuhi ka ditenda da msengeletano; se vanana va Aroni va na xwayela ngu mnoha wa txihari kotshe madhawani ka txiluvelo.

Mitengo 18:17

Aniko matiwula a homu ya makati, ni a nvuta, ni a phongo, kha ma na mbi tirulwa; nguko ma sawulekile: U na theketa mnoha wa kona ha txiluveloni, u hisa mafura a kona ngu mningelo wo hiswa, wo bhumula ka Mkoma.

Eksodha 29:15

U na teka hamba yimweyo, Aroni ni vanana vakwe va na sanzeka manza awe txitimwi ka msungo wa yona.

Eksodha 29:19

Ngu msana ka kona u na teka hamba ya wumbidi, Aroni ni vanana vakwe va na sanzeka manza awe txitimwi ka msungo wa hamba.

Levhi 17:3

Ngako m'thu wokari wa ka Israyeli a txi daya didhuna, mwendo txinvutana hambi phongo, amu wugoveloni mwendo hahanze ka wugovelo,

Levhi 17:4

hambi i txo va ha txikeni ka ditenda da msengeletano, a si mahi mningelo ka Mkoma, masoni ka wukhalo wo sawuleka wa Mkoma, a na va ni mnandu, ngu kuva a di theketile mnoha; ngu toneto a na va a txi tovelwa hagari ka vathu va ka kwakwe.