Levhi 3:17 - Bhiblia Yo Sawuleka

¹⁷ Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Levhi 3:17 Referans Kwoze

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

Matewu 26:28

Nguko awuwa mnoha wangu wa txitumelelano, wu na ku theketelwa vavangi, kasi ku na mana divalelo ya sionho.

Dhewuteronome 15:23

Mnoha wa kona dwe u nga dye; wu thekete ha mafuni nga mati.

Dhewuteronome 12:23

Kambe ti wonele, u si dyi mnoha, nguko mnoha mbutomi. Ngu toneto, u nga dye wutomi ni nyama.

Levhi 7:23

Zivisa va ka Israyeli ku khawe: Mi nga dyeni mafura a didhuna, hambi a hamba, mwendo a phongo.

Dhewuteronome 12:16

Kambe mnoha mi nga dyeni, wu theketeni ha mafuni ku nga mo theketa mati.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Levhi 6:18

Votshe vavamna hagari ka vanana va Aroni, va na dya sa mningelo wa sakudya; txi na va txileleto txa kwa mbi gwita ka tihunzu tanu, hagari ka miningelo yo hiswa ka Mkoma; ni wihi a no si gwesa a na sawuleka.

Levhi 3:16

Otshe mafura ma nava a Mkoma; mphaxeli a fanete ku mahisa ha txiluveloni. Nzakudya si si ningelwako kumweko ni mhamba, ti to si na hiswa, kasi kutsakisa Mkoma, ngu kubhumula ka sona.

Vaefesu 5:26

kasiku a txi di kuwula ngu mati, ni ku di basisa ngu dipswi,

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Mithumo 15:29

Mi txi leka kudya tinyama ta kuphaxelwa sithombe, ni mnoha, ni tinyama ta sile si nga fa ngu kukamwa mkolo, mi txi thava txionho txa wugango. Mi na hanya wutomi wa wunene, ngako mi txi vayilela sotshe siya. Salani.”

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

Ezekhiyele 33:25

Va gele koko u txi khawe: Mkoma Txizimu a khene: Midya ni mnoha, se mi guleta maso mi wona sithombe sanu, kambe ma theketa mnoha! Ina mi na lumbwa ngu ditiko diya kani?

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.

Levhi 23:14

Mi nga dyeni mapawu, hambi fulaho yo katingwa, mwendo miburu, kala donedo ditshiku mi no va mi txi tisa mningelo, wa nyanda yo ndiwitela, ka Mkoma, Txizimu txanu; awuwa mthetho mbwa yotshe mbimo kala kupinduka, ka liveleko ni liveleko la ka kwanu, kotshe mu mi no maneka mi di akile kona.

Levhi 7:36

Ngu tiya Mkoma a nga leleta ka va ka Israyeli, ti to ve ninga vaphaxeli, kukhukhela ka ditshiku dile va nga totwa ngu dona; awuwa mlayo wa kwa mbi na magwito, ka situkulwana.

1 Timoti 4:4

Nguko sotshe si Txizimu txi nga si va nga nza sinene; kuwalo txi txi fanelako kunyenywa, ngako hi txi txi amukela ngu kubonga.

Matewu 16:24

Sekoko konaho, Jesu a to gela vagondiswa vakwe a txi khene: “Ngako m'thu a txi lava ku ni londisa, a na ti leke, e pakata txihambano txakwe, a txi ni londisa.

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

Mitengo 19:21

Awuwa wu na va mlayo wo mbi gwita kwawe. Awu a no xwayela mati o sawuleka, a txi gwita a na kuwula syambalo sakwe; ni wu a no gwesa mati o sawulekisa ngu ona, a na va a sa sawuleka nene, kala ni minova

Levhi 16:34

Se atxiya i nava txileleto txo mbi gwita, kasi kuthavisa sionho sa vanana va ka Israyeli, ka sotshe sionho sawe, kumweko ngu dilembe. Se Aroni a to mahisa tona ti Mkoma a nga rumisa tona ka Mosi.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Levhi 4:1

Mkoma a to womba kambe ka Mosi, a txi khene:

Levhi 6:22

Vavamna va i ku ngamu ya vaphaxeli, ngu vona dwe va ku ni fanelo yo dya ni vona yona nyama yiya, nguko i nyama yo sawuleka.

Levhi 7:34

Nguko khana yi ningelwako na ku txi mahwa mhamba yo ndiwitela, ni txiphanga txa txinene, txi txi phawuswako kasi kumaha txyavelo, nzimaha si ani ni nga ti vekela ka totshe ti ti mahwako ngu va ka Israyeli, kasiku ni si ningela ka mphaxeli Aroni ni vanana vakwe. Mthetho wuwa mbwo kala kupinduka, awu va ka Israyeli va ku ni fanelo yo wu xonipha.

Levhi 10:9

Ngako awe ni vanana vako mi txi lava kuwulela ditendani ka msengeletano, mi nga seleni vhinya, hambi ni simwani so sela si si levisako, nguko mi nga fa. Awuwa mlayo mbwo kala kupinduka, ka sotshe situkulwana sanu.

Levhi 10:15

Va ka Israyeli va na tisa khana ni mnenge wa txihari, asi si nga mahwa mningelo wa mhamba ya mpatano, kumweko ni mafura, kuve si mahwa mningelo wo ndiwitela, masoni ka Mkoma, etxo njiavelo txi txi lumbako awe ni vanana vako, kala kupinduka, madingano ni ti Mkoma a nga rumisa tona.

Levhi 16:29

Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

Levhi 23:21

Mi fanete mi ramba msengeletano wo sawuleka, mi si mahi ni wawumwewo mthumo wo nemela. Ewo mthetho wa lisima yotshe mbimo, ka sotshe situkulwana sanu, hani ni hani mi no maneka mi txi aka kona.

Levhi 24:3

Aroni a na si txhatxhameta masoni ka Mkoma yotshe mbimo, kukhukhela ni minova kala mangwanani ka kona ni mixo, ngu hahanze ka txibhiya txa ditenda da msengeletano; mlayo wuwa wu fanete ku va ho yotshe mbimo, ka tiveleko tanu.

Eksodha 28:43

Aroni ni vanana vakwe, va na si ambala mbimo yi va wulelako amu ka ditenda da msengeletano, mwendo mbimo yile va tshuketako ha txiluveloni, kuya maha mthumo ka wukhalo wo sawuleka, kasi ku va si mani txionho, va txi fa; atxiya i nava txileleto txa kala kupinduka, ka Aroni, ni ka liveleko lakwe, msana kwakwe.

Levhi 6:15

Se a na tata dianza ngu mpupu wa wunene wa mningelo, ni mtona wa kona, ni dotshe dibaselo di di ku txitimwi ka mningelo wa sakudya; sekoko e wu hisa ha txiluveloni; ewo mbwo bhumula, ngu ku va i di wa txialakanyiso ka Mkoma.

Levhi 19:26

Kha mi na mbi dya nyama yi yi ku ni mnoha; kha mi na mbi wotisa ka nyamsoro, kambe kha mi na mbi xaxuva ka nyatixolo!

Levhi 24:9

Si na lumba Aroni ni vanana vakwe, va na dyela ha wukhaloni ko sawuleka; nguko nzilo so sawuleka, ngutu ka sile si mahelwako Mkoma, si lumba vona; mlayo wuwa mbwa kwa mbi na magwito.

Dhewuteronome 12:24

U nga thuke u txi dya mnoha! Wu thekete ha mafuni nga mati.

2 Makronika 29:35

Mningelo wo hiswa i ti ti wawungi ngutu, ni mafura a mningelo wa kubonga, ni so sela sa mningelo wo hiswa. Ngu kumaha keto, mthumo wo khozela Nyumbani ka Mkoma wu to tsana.