Levhi 3:16 - Bhiblia Yo Sawuleka

¹⁶ Otshe mafura ma nava a Mkoma; mphaxeli a fanete ku mahisa ha txiluveloni. Nzakudya si si ningelwako kumweko ni mhamba, ti to si na hiswa, kasi kutsakisa Mkoma, ngu kubhumula ka sona.

Levhi 3:16 Referans Kwoze

Matewu 22:37

Jesu a nje khene kwakwe: “ ‘Randa Mkoma Txizimu txako, ngu yotshe mbilu yako, ngu wotshe moya wako ni otshe mapimo ako.’

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

2 Makronika 7:7

Solomoni a to sawulekisa mtendela wa masoni ka Nyumba ya Mkoma; ngu konaho a nga lulamisela kona miphaxo ya kuhiswa ni miningelo, kumweko ni mafura a miphaxo ya kuthutha; nguko txiluvelo txa koporo txi nga ti mahilwe ngu Solomoni, i ti ti txidotho ku si eneli kumahela kona miphaxo ya kuhiswa, ni mningelo, ni mafura a miphaxo ya kuthutha.

Levhi 17:6

Mphaxeli a na xwayela ngu mnoha aha ka txiluvelo txa Mkoma, ha txikeni ka ditenda da msengeletano, e hisa mafura a mningelo, kasi kubhumula ku txi tsakisa Mkoma.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Levhi 8:25

Se a to teka mafura ni mkila, mafura a masembe, diwomba da txivindi, ni titsho timbidi, ni mafura ale ma ti pomelako, ni txiphanga txa txinene.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

Eksodha 29:22

Ngu msana u na teka ka hamba, mafura, dibhesa, mafura aale ma pomelako masembe, diwomba da txivindi, titsho ta timbidi, ni mafura a txona, ni dithumbi da txinene, nguko hamba yiya nja mhamba ya ku emiselwa wuphaxeli.

Eksodha 29:13

U na teka otshe mafura awa ma pomelako masembe, diwomba da txivindi, titsho ta timbidi ni mafura a kona, aale ma ti pomelako, u txi si hisa kasi ku u txi tuvikisa wutshi ni kubhumulisa, ngu txitimwi ka txiluvelo.

2 Makronika 29:35

Mningelo wo hiswa i ti ti wawungi ngutu, ni mafura a mningelo wa kubonga, ni so sela sa mningelo wo hiswa. Ngu kumaha keto, mthumo wo khozela Nyumbani ka Mkoma wu to tsana.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

Genesisi 4:4

Se Abhele nene a to ningela matiwula a tinvuta ta txibalani kwakwe, to nona. Mkoma a to wona ngu kutsaka Abhele ni mningelo wakwe;