Levhi 3:11 - Bhiblia Yo Sawuleka

¹¹ Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.

Levhi 3:11 Referans Kwoze

Levhi 21:17

Zivisa Aroni u txi khawe: Kani ngu wuhi m'thu wa lixaka la ka kwanu, ka liveleko ni liveleko a nga limala, kha na kumaha mningelo wa mhamba ya sakudya ka Mkoma, Txizimu txakwe.

Levhi 21:6

Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe.

Levhi 21:8

Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.

Levhi 3:16

Otshe mafura ma nava a Mkoma; mphaxeli a fanete ku mahisa ha txiluveloni. Nzakudya si si ningelwako kumweko ni mhamba, ti to si na hiswa, kasi kutsakisa Mkoma, ngu kubhumula ka sona.

Levhi 3:5

Se vanana va Aroni, va na si hisa sothseso ha txiluveloni, kumweko ni mningelo wo hiswa, wu wu no hiswa txitimwi ka tikhuni. Awu mningelo wu na hiswa kasi kudhumisa Mkoma, yi txi maha mhamba ya ku mtshakisa.

Malakiya 1:7

Mi ningela sakudya sa nzabwa ka txiluvelo txangu, se mi txi khanu: Hi ku nyenyezisile ngu txani kani? Ka ti mi wombako mi txi khanu: Meza ya Mkoma ya eyiseka.

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Mitengo 28:2

Leleta vanana va ka Israyeli, u txi kawe kwawe: Ni neheleni mningelo wo hiswa ngu mbimo ya wona, awu i ku kudya kwangu ko bhumula.

Levhi 22:25

Kambe mi nga tumeleni kuningela so dyiwa sokari ngu manzani ka valuveli vanu, ka Mkoma, nguko sihono siyo so maha kubiha, se ene kha na ku mi tumelela, hi nga sa sinene.

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

1 Vakorinto 10:21

Kha mi na kusikota kusela digombe da Mkoma kumweko ni digombe da madhimoni. Kha mi na kusikota kukhalahatsha mi dyela ha mezani ka Mkoma ni ha mezani ka madhimoni.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Malakiya 1:12

Aniko anu ma di nyenyezisa, ngako mi txi khanu: Meza ya Mkoma yi nyenyezile, ni siya sa yona, sakudya sa kona, sa eyiseka.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Mitengo 28:24

Madingano ni mamahelo awa, ditshiku ni ditshiku mi na ningela, mndani ka mtxhanu wa masiku ni mambidi, mningelo wa sakudya sa mphaxo wa kuhiswa, wo bhumula, ka Mkoma; hahanze ka mphaxo wa kuhiswa wa yotshe mbimo, ku na ningelwa siya, ni sa kusela sa kona.