Levhi 27:34 - Bhiblia Yo Sawuleka

³⁴ Ayiya, milayo yi yi nga mahelwa va ka Israyeli, ayi Mkoma a nga leleta Mosi, mmangoni ka Sinayi.

Levhi 27:34 Referans Kwoze

Levhi 26:46

Asiya nzileleto ni mithetho ni milayo yi Mkoma a nga yi emisela ngu Mosi, hagari kwakwe ni vanana va ka Israyeli, mmangoni ka Sinayi.

Mitengo 1:1

Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene:

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Dhewuteronome 4:45

Asiya nzirumo ni milayo ni sileleto si Mosi a nga gela vanana va ka Israyeli, ngako va di humile Egipta.

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.

Levhi 7:38

Mkoma ngene a nga leleta ka Mosi, mmangoni ka Sinayi, ka ditshiku dile a nga khene va ka Israyeli, va na mahe mningelo ka Mkoma, txiwulani ka Sinayi.

Mitengo 36:13

Ayi ngu yona milayo ni sileleto si Mkoma a nga ruma ngu dianza da Mosi ka vanana va ka Israyeli, libalani ka va ka Mowabhi, hafuhi ni Jordhani, ka Jeriko.

Dhewuteronome 29:1

Aawa mapswi nga txitumelelano, aawa Mkoma a nga ruma Mosi ti to e ma womba ka vanana va ka Israyeli, ditikoni ka Mowabhi, hahanze ka txitumelelano txi a nga txi maha navo, mmangoni ka Horebhi.

Mitengo 3:1

Ngu tiya tiveleko ta Aroni ni ta Mosi, mbimo yi Mkoma a nga womba-womba ka Mosi, mmangoni ka Sinayi.

Mitengo 28:6

Awuwa mphaxo wo hiswa wa ditshiku ni ditshiku, awu wu nga txi mahwa mmangoni ka Sinayi, kasi kuva mphaxo wo bhumula wu hiselwako Mkoma.

Dhewuteronome 1:3

Se ku to maheka taku, ka dilembe da mune wa magumi, ka ditshiku do khata ka mtxima wa digumi ni wumwewo, Mosi a wombile ka vanana va ka Israyeli totshe ti Mkoma a nga mleleta, kasi ku e va gela,