Levhi 27:32 - Bhiblia Yo Sawuleka

³² Aniko sotshe sa wugumi ngu didhawa da tihomu ni tinvuta, ka sotshe sile i ku so dyiswa, sa wugumi sa kona si na lumba Mkoma.

Levhi 27:32 Referans Kwoze

Jeremiya 33:13

Ka Madhoropa a mimangoni, ni madhoropani a tibalani, ni madhoropani ka mswa-ditambo, ni ditikoni ka Bhenjamini, ni madhawani ka Jerusalema, ni madhoropani ka Judha, sifuyo si ngadi si txi na pinda ngu manzani ka vabali, kuwomba Mkoma.

Ezekhiyele 20:37

Kambe ni na mi maha mi pinda ngu hahatshi ka ndonga, se ni txi mi maha mi pinda ngu ka txitsaniso txa txitumelelano.

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Levhi 27:31

Kambe ngako m'thu wokari a txi lava kutekisa sile i ku sakwe sa wugumi, a na si tatisa ngu mpimo wa wutxhanu, ka mtengo wa sona.

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Mitengo 18:21

Wonani tito, vanana va ka Levhi ni vaningile sotshe sa wugumi si txi va thomba yawe, asi si humiswako sa miningelo ngu va ka Israyeli, ngu mhaka ya mthumo wu va mahako ditendani ka msengeletano.