Levhi 27:30 - Bhiblia Yo Sawuleka

³⁰ Sotshe si i ku sa didhawa da wugumi, asi i ku timbewu to elulwa amu tithembweni, mwendo mihando ya mindongani, nza Mkoma, si lumba Mkoma.

Levhi 27:30 Referans Kwoze

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Matewu 23:23

“Mi na ni dikhombo, anu vabhali ni nanu Vafarisi, vaxengeteli, nguko ma dihela sa wugumi ka nyatximbowane ni ka dianetha ni ka dikumina, kambe kha mi khatali ngu ditshina da Mlayo, i ku kululama, wumbilu ni kuthembeka. Mi ti ni fanelo ya kumaha tiya, mi si leki ni tona tile.

Nehemiya 13:12

Sekoko, dotshe ditiko da Judha di to tisa sa wugumi sa tindoho, ni vhinya, ni mtona, amu sisangalani.

Luka 18:12

Na ti tona sakudya kambidi ngu divhiki, na humisa sa wugumi ka sotshe si ni ku naso.’

2 Makronika 31:12

Va to wuletisela ka sona miningelo ni sa wugumi ni silo so sawuleka; totshe ti txi thangelwa ngu Konaniya, Mulevhi, ni Simeyi mnanda wakwe.

Genesisi 14:20

Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.

Luka 11:42

“Kambe mi na ni dikhombo, anu Vafarisi nguko mi humisa sa wugumi ka mbowa ni ka matawa otshe ni ka yotshe mindiwo ya mazokoro, mi txi leka kululama ni lirando la Txizimu! Mi ti fanete ku ti maha eto, mi si leki kumaha tile to thanga.”

Nehemiya 13:5

se a to mlongisela nyumba ya hombe, eyo ku nga ti vekwa ka yona miningelo ya sakudya, dibaselo, siya, ni sa wugumi sa tindoho, ni vhinya, ni mtona, asi ku nga leletwa to si ningwa Valevhi, ni vaembeleli, ni va woneleti va sike, kufana ni mningelo wa kundiwitelwa wa vaphaxeli.

Nehemiya 12:44

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.

Levhi 27:29

Hambi ngako i di m'thu, kha ti koteki ti to e tekiswa; hahanze ko dawa dwe.

Levhi 27:31

Kambe ngako m'thu wokari a txi lava kutekisa sile i ku sakwe sa wugumi, a na si tatisa ngu mpimo wa wutxhanu, ka mtengo wa sona.

Dhewuteronome 18:8

a na mana sakudya so dingana ni sa vamwani vaphaxeli, hahanze ka sile asi manako ngu kuxavisa thomba yakwe!”

Dhewuteronome 26:12

Ka dilemba da wuraru, dilembe da sa wugumi, ngako u di gwitile kuthavisa sa wugumi ka sotshe sile u nga elula, u na si ningela ka Mlevhi, ni ka mluveli, ni ka wo felwa ngu vatate, ni noni, kasi kuva txi dya, ve khura amu didhoropani kwako.

Genesisi 47:24

Aniko ngu mbimo ya kuelula, ka mtxhanu wa tipimo ta si mi nga elula, mi fanete kuninga Faro mpimo wumwewo, anu mi txi mana kudya, anu ni timwaya tanu, ni vanana vanu.

Genesisi 47:26

Josefa a to veka mthetho ngu mhakeyo, awu wu thumako kala ni nyamsi ka ditiko dotshe da Egipta: Ka mtxhanu wa tipimo ta sotshe si si elulwako mu tithembweni, mpimo wumwewo wu lumba Faro. Tshambi tithembwe ta vaphaxeli kha ta tekwa ti txi maha ta Faro.