Levhi 27:3 - Bhiblia Yo Sawuleka

³ Se ngako i di txithembiso txo mahwa ngu m'thu wule a ku ni tanga ya magumi mambidi a malembe, kala tanga ya mtxhanu wa magumi ni dimwedo, a na humisa mtengo wa mtxhanu wa magumi a maxekele a silivhela, madingano ni mpimo wa dixekele da wukhalo wo sawuleka.

Levhi 27:3 Referans Kwoze

Eksodha 30:13

Votshe avale va no maneka va di batwe va na ningela hafu ya dixekele da mpimo wa dixekele do basa aha ka magandelo; (i ku magumi mambidi a magera ngu dixekele); hafuyo ya dixekele i mningelo wakwe ka Mkoma.

Mitengo 18:16

Se awe u na ma tirula ma di ni tanga yo dingana mtxima, u na dinganisa ngu tanga ya mtxhanu wa maxekele a silivela, madingano ni dixekele da wukhalo wo sawuleka, awu wu ku ni magumi mambidi a magera.

Levhi 27:25

Kotshe kudinganisa ku na mahwa ngu maxekele a nyumba ya kusawuleka; dixekele dimwedo di ni magumi mambidi a magera.

2 Vafumeli 12:4

Se Jowasi a to gela vaphaxeli ku khene: Male yotshe ya sile so sawuleka si tiswako Nyumbani ka Mkoma, kufana ni male ya sixambanyo, ni male ya m'thu ni m'thu madingano ni mtengo wa siya, ni yotshe male yi tiswako ngu mmweyo ni mmweyo ngu kutilava kwakwe, Nyumbani ka Mkoma,

Mitengo 3:47

U na teka mtxhanu wa maxekele ka m'thu mmwani ni mmwani; ngu kuya ngu maxekele a wukhalo wo sawuleka, u teka magumi mambidi a magera ngu dixekele .

Levhi 27:14

Se ngako m'thu wokari a txi sawulekisa nyumba yakwe kasiku yi txi sawuleka ka Mkoma, mphaxeli a na pimisa mazumbelo a nyumba, mwendo njinene mwendo hi nga ya yinene; se nga ti mphaxeli a no ti wonisa tona, ti nava toneto.

Levhi 6:6

Se a na tisa ka Mkoma, hamba ya kwa mbi na txibawa ya mtxhambi, kasi ku va mningelo wakwe wa kudivalelwa mnandu; madingano ni ti u no ti wonisa tona, u si tisa ka mphaxeli.

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.

Levhi 27:4

Kambe ngako i di wamsikati wa yoneyo tanga, mtengo wa kona wa male wu na va i di wa magumi mararu a maxekele.

Eksodha 38:24

Mtengo wotshe wa nzalama ayi yi nga thumiswa ha ku akani ka nyumba yo sawuleka, nzalama yi yi nga maneka ngu msengo, i ti ya magumi mambidi ni mtxhanu ni mune wa titalenta, ni 730 wa maxekele, madingano ni mpimo wa dixekele da nyumba yo sawuleka.