Levhi 27:27 - Bhiblia Yo Sawuleka

²⁷ Ngako i di txihari txo mbi sawuleka, ta koteka ku txi tekiswa ngu mtengo wa male yi yi no gemwa, ngu kudinganisa, ku txi engetelwa mtengo wa wutxhanu; se ngako txi si tekiswi, txi na xaviswa ngu mtengo wa male yi yi no gemwa, ha kudinganiswani.

Levhi 27:27 Referans Kwoze

Levhi 27:11

Ngako i di txihari txo mbi basa, atxi ti si kotekiko kumaha mningelo ka Mkoma ngu txona, txi fanete kuyiswa ka mphaxeli.

Levhi 27:26

Ni wammweyo m'thu kha na kumaha mningelo wa txixambanyo ngu matiwula a txihari, nguko txona txi lumba Mkoma, ngu mlayo; hambi i di matiwula a homu, mwendo nvuta, mwendo phongo.

Levhi 27:28

Ni txihi txo ningelwa txi txi nga ningelwa ka Mkoma, txi sawulekile; mwendo m'thu, mwendo i thembwe ayi i kuthomba yakwe, kha txi na kuxaviswa hambi kutekiswa; sotshe si si nga emiselwa toneto, i thomba yo sawuleka ngutu ya Mkoma.

Levhi 5:16

Ngu kumaha keto, a na dihisa ngu kuhumisa ka mtxhanu male, yo dinganisa sile so sawuleka a nga ti tekile, se a na si yisa ka mphaxeli; ngu msana, mphaxeli, ngu txinvutana txa kudivalela txionho txa m'thu wule, a na maha mhamba ya kudivalelwa ka txionho.

Levhi 27:13

Kambe ngako nyamne wa txihari a txi lava ku txi tekisa, a fanete kuengetela mtengo wa wutxhanu, kuleka mtengo wu u wu lavako.

Levhi 27:15

Ngako m'thu wule a nga maha mningelo ka Mkoma, ngu nyumba yakwe, se a txi navela ku yi tekisa, a fanete kuengetela ngu mtengo wa male wa magumi mambidi maxekele, txitimwi ka male ya mtengo wa yona, se nyumba yoneyo, yi na va i di yakwe kambe.

Levhi 27:31

Kambe ngako m'thu wokari a txi lava kutekisa sile i ku sakwe sa wugumi, a na si tatisa ngu mpimo wa wutxhanu, ka mtengo wa sona.