26 Ni wammweyo m'thu kha na kumaha mningelo wa txixambanyo ngu matiwula a txihari, nguko txona txi lumba Mkoma, ngu mlayo; hambi i di matiwula a homu, mwendo nvuta, mwendo phongo.
“U na ningela ka Mkoma, Txizimu txako, otshe matiwula a vamatune va tihomu tako ni a tinvuta tako, u nga thuke u txi thumisa matiwula a vamatune a tihomu tako, kambe u nga kaye matiwula a vamatune va tinvuta tako.
Aniko matiwula a homu ya makati, ni a nvuta, ni a phongo, kha ma na mbi tirulwa; nguko ma sawulekile: U na theketa mnoha wa kona ha txiluveloni, u hisa mafura a kona ngu mningelo wo hiswa, wo bhumula ka Mkoma.
U na maha nga toneto ngu matiwula a tihomu tako ni tinvuta tako; amu ka mtxhanu wa masiku ni mambidi si na zumba ni vamame va kona, se ngu ka ditshiku da wutxhanu ni mararu u na si hambanisa u txi si ninga ani.
Ngako i di txihari txo mbi sawuleka, ta koteka ku txi tekiswa ngu mtengo wa male yi yi no gemwa, ngu kudinganisa, ku txi engetelwa mtengo wa wutxhanu; se ngako txi si tekiswi, txi na xaviswa ngu mtengo wa male yi yi no gemwa, ha kudinganiswani.
Nguko otshe matiwula ma ni lumba; kukhukhela ka ditshiku dile ni nga heta matiwula a vanana va Vaegipta, ni ti sawulete otshe matiwula a va ka Israyeli kukhukhela ka vathu, ni sihari, ma lumba ani! Ani ngani Mkoma!”
Se va to khukha di txi khata kuswa, ve tsula dizumboni ka Vasiriya; se mbimo yile va nga hoka ha txikeni ka dizumbo da Vasiriya, va to ya mana to kha ku nga ni m'thu.
Ni matiwula a vafana vathu, ni a sifuyo sathu, madingano ni tile ti nga bhalwa Mlayoni; ni ti to matiwula a tihomu tathu ni a tinvuta tathu hi na ma yisa Nyumbani ka Txizimu txathu, ka vaphaxeli vale va thumako Nyumbani ka Mkoma.