Levhi 27:21 - Bhiblia Yo Sawuleka

²¹ Ngu ka dilembe da kutsaka ka hombe, awule a nga xava thembwe yiya, a na huma ka yona, nguko i thembwe ya mningelo ka Mkoma, se yi na va yi txi lumba mphaxeli.

Levhi 27:21 Referans Kwoze

Ezekhiyele 44:29

Se miningelo ya sakudya, ni mningelo wa kudivalela txionho, ni mningelo ngu mhaka ya mnandu, va na dya; sotshe so sawuleka kona Israyeli i nava sawe.

Mitengo 18:14

Sotshe si si no mahwa mningelo ka Mkoma ngu va ka Israyeli, si na maha sako.

Levhi 25:31

Aniko tinyumba ti ti ku amu mitini ko mbi bhiywa, ti fana ni tithembwe, ta koteka kutekiswa ka dilembe da kutsaka ka hombe.

Levhi 25:28

Ngako asi sikoti kumana mitamo ya wutxhukwana, thembwe yile a nga xavisa, yi na simana yi di mtamoni ka wule a nga xava kala ka Dilembe da kutsaka ka hombe. Se ngako Dilembe da kutsaka ka hombe di di hokile, nyamne wa thembwe a na teka thembwe, aha a no tshumelela ka yona.

Levhi 25:10

Dilembe di di londetako, i ku da mtxhanu wa magumi, mi na di sawulekisa, mi txi huwelela kutxhatxheka ka vathu votshe va ditikoni; ndilembe da kutsaka kwanu, ndilembe da kutsaka ka hombe. Votshe va na va i di va nyamne va sile i ku sawe, ni kuva va txi tshumelela maxakani kwawe.

Ezra 10:8

Se votshe vale ku no pinda masiku mararu va si se hoka, madingano ni silayelo sa vathangeli ni sa madhota, yotshe thomba yawe yi na tsimbiselwa, kambe ene a na thaviswa ka msengeletano wa vale va nga wuya ngu wukhumbini.

Joxuwa 6:17

“Didhoropa di na ruketelwa masoni ka Mkoma, dona ni sotshe si si ku ka dona; Rahabhi, awu wa digelegele, ngene ekha a no hanya, ene kumweko ni votshe vale va no maneka va diho nyumbani, nguko a sisile tixoli tile hi nga ti ruma.

Dhewuteronome 13:17

Kambe ni txa tximwetxo ka sile i ku so yila, kha kulaveki txi maneka manzani kwako, kasi ku Mkoma a txi boxa dikhulo da txiviti txakwe, a txi kupfela wusiwana, a txi va ni wumbilu ngu ngawe, a txi kuandisa, nga ti a nga xambanya ka vatate vako,

Levhi 27:20

Ngako thembwe yi si tekiswi, se yi txi xaviswa ka mmwani m'thu, kha ti koteki ti to yi nga tekiswa kambe.

Levhi 27:22

Kambe ngako m'thu wokari a txi maha mningelo ka Mkoma, ngu thembwe yi a nga xava, aniko i si nga thembwe ya thomba yo siwa ngu maxaka akwe,