Levhi 27:17 - Bhiblia Yo Sawuleka

¹⁷ Ngako a di mahile mningelo wa thembwe, kukhukhela ka dilembe da kutsaka ka hombe, mtengo wa kona wa male ngu wonewo yi no va ni fanelo yo tekiswa ngu wona.

Levhi 27:17 Referans Kwoze

Levhi 27:14

Se ngako m'thu wokari a txi sawulekisa nyumba yakwe kasiku yi txi sawuleka ka Mkoma, mphaxeli a na pimisa mazumbelo a nyumba, mwendo njinene mwendo hi nga ya yinene; se nga ti mphaxeli a no ti wonisa tona, ti nava toneto.

Levhi 27:16

Ngako m'thu a txi maha mningelo ka Mkoma ngu ndima ya thembwe yakwe, ayile i kuthomba yakwe, ku na pimiswa mtengo wa male ngu mazumbelo a thembwe, nga ti yi humisisako tona timbewu ta yona; ngako yi txi humisa mpimo wa homeri ya sevhadha, mtengo wa yona wu na va wa male ya mtxhanu wa magumi maxekele a silivhela.

Levhi 27:18

Aniko ngako a di ningete thembwe yakwe msana ka dilembe da kutsaka ka hombe, mphaxeli a na womba mtengo wa male yo dingana kuhokisa ka dilembe da kutsaka ka hombe, se ku na hungulwa mtengo, ka wule wu nga ti ti laveka.

Levhi 25:9

Sekoko ka ditshiku da digumi ka mtxhima wa wutxhanu ni yimbidi; i ku ditshiku da hombe da kudivalelwa ka sionho, u na ruma vahuweleli va txi veta mipundu ditikoni kotshe.

Levhi 25:10

Dilembe di di londetako, i ku da mtxhanu wa magumi, mi na di sawulekisa, mi txi huwelela kutxhatxheka ka vathu votshe va ditikoni; ndilembe da kutsaka kwanu, ndilembe da kutsaka ka hombe. Votshe va na va i di va nyamne va sile i ku sawe, ni kuva va txi tshumelela maxakani kwawe.

Levhi 25:11

Dilembe da mtxhanu wa magumi, di na va dilembe da kutsaka ka hombe, mi nga dimeni, mi nga phayeni, mi nga eluleni asi si nga ti milela sipune, hambi kuhapha mihando ya mindonga yile yi nga mbi sandelwa.

Levhi 25:13

Nga ti ti nga wombwa, ka dilembe da kutska ka hombe, mmwani ni mmwani wa ka kwanu, a na tshumetelwa sile i ku sakwe.