Levhi 27:13 - Bhiblia Yo Sawuleka

¹³ Kambe ngako nyamne wa txihari a txi lava ku txi tekisa, a fanete kuengetela mtengo wa wutxhanu, kuleka mtengo wu u wu lavako.

Levhi 27:13 Referans Kwoze

Levhi 27:19

Ngako awule a nga maha mningelo ngu thembwe yakwe, na a txi lava ku yi txhatxhisa, a na engetela didhawa da wutxhanu txitimwi ka male ya mtengo wa thembwe, se thembwe yi na va i di yakwe.

Levhi 27:15

Ngako m'thu wule a nga maha mningelo ka Mkoma, ngu nyumba yakwe, se a txi navela ku yi tekisa, a fanete kuengetela ngu mtengo wa male wa magumi mambidi maxekele, txitimwi ka male ya mtengo wa yona, se nyumba yoneyo, yi na va i di yakwe kambe.

Levhi 22:14

Ngako m'thu wokari, a txi thuka a txi dya so katekiswa ngu kulunduma, a na si tshumetela ka mphaxeli, ngu mtengo wa sona, aniko a na si engetela ngu simwani sa wutxhanu.

Levhi 27:10

Kha ti koteki kutxitxiswa txihari ngu tximwani txihari, mwendo nja txinene mwendo hi nga txa txinene. Ngako txihari txonetxo txi txi txitxiswa ngu tximwani txihari, sihari soneso ngu wumbidi wa sona si sawulekile.

Levhi 5:16

Ngu kumaha keto, a na dihisa ngu kuhumisa ka mtxhanu male, yo dinganisa sile so sawuleka a nga ti tekile, se a na si yisa ka mphaxeli; ngu msana, mphaxeli, ngu txinvutana txa kudivalela txionho txa m'thu wule, a na maha mhamba ya kudivalelwa ka txionho.

Levhi 27:12

Se mphaxeli a na dinganisa mtengo wa txona, mwendo txi tshurile mwendo kha txa tshura, sekoko va na maha nga tile mphaxeli a no va a di woni tona, kupimisani kwakwe.

Levhi 27:14

Se ngako m'thu wokari a txi sawulekisa nyumba yakwe kasiku yi txi sawuleka ka Mkoma, mphaxeli a na pimisa mazumbelo a nyumba, mwendo njinene mwendo hi nga ya yinene; se nga ti mphaxeli a no ti wonisa tona, ti nava toneto.

Levhi 27:27

Ngako i di txihari txo mbi sawuleka, ta koteka ku txi tekiswa ngu mtengo wa male yi yi no gemwa, ngu kudinganisa, ku txi engetelwa mtengo wa wutxhanu; se ngako txi si tekiswi, txi na xaviswa ngu mtengo wa male yi yi no gemwa, ha kudinganiswani.