Levhi 26:9 - Bhiblia Yo Sawuleka

⁹ Ni na mi khatalela, ni txi mi maha mi velekela, ni txi mi andisa, kambe ni na tsanisa txitumelelano txangu ni nanu.

Levhi 26:9 Referans Kwoze

Masalmo 107:38

Se Mkoma a to va katekisa a txi va andisa ngutu asi hunguli mtengo wa sihari sawe sa sifuyo.

Ezekhiyele 16:62

Nguko ni na maha txitumelelano ni nawe, se u na tiziva taku ani ngani Mkoma;

Nehemiya 9:23

U engetete vanana vawe ve fana ni tinyeleti ta nzumani, se u va wuyisa ka ditiko di u nga ti gete vatate vawe ti to va na wulela ka dona ve di teka.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Genesisi 28:3

Txizimu txa mtamo wotshe txi na ku katekise, txi txi kuninga liveleko lo tala, u txi anda, u txi maha tate wa tihunzu to mbi balwa.

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Dhewuteronome 28:11

Mkoma a na andisa sihiwa sa mihando ya mndani kwako, ni sa mihando ya thembweni kwako, ka ditiko di Mkoma a nga xambanya ka vatate vako ti to va na kuthava.

Luka 1:72

Kasiku e maha wumbilu ka vatate vathu, a txi khumbuka txitumelelano txakwe txo sawuleka.

Masalmo 89:3

Awe u ti khawe: “Ni mahile txitumelelano ni msawuleki wangu, ni thembisile ka txithumi txangu Dhavhidha:

Dhewuteronome 28:4

Wu na katekiswa muhando wa mndani kwako, ni muhando wa thembweni kwako, ni muhando wa sifuyo sako, i ku marole a tihomu tako, ni sinvutana sa tinvuta tako.

Eksodha 6:4

Kambe ni emisile txitumelano txangu navo, kasi kuvaninga ditiko da Kanana, ditiko di va nga zumba ka dona kota valuveli.

Eksodha 2:25

Se Txizimu txi woni wukhumbi wa vanana va ka Israyeli, Txizimu txi to va pfela wusiwana.

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Genesisi 17:20

Ngu didhawa da Ismayeli nene, ni engisile txikombelo txako, ni na mkatekisa, ni andisa ngutu liveleko lakwe, a na veleka digumi da vakoma ni vambidi, ani liveleko lakwe li na maha mfumo wa hombe.

Genesisi 6:18

Ni na maha txitumelelano txangu ni nawe; se u na wulela ngalavani awe ni vanana vako, ni msikati wako, ni vasikati va vanana vako.

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

Nehemiya 2:20

Sekoko, ni to va xamula ni txi khani: Txizimu txa nzumani, ngu txona txi no hi humelelisa; se athu sithumi sa txona, hi na khukha hi aka; kambe anu kha mi na txyavelo, hambi fanelo, ni txyalakanyiso amu Jerusalema.

2 Vafumeli 13:23

Sekoko Mkoma a to va pfela wumbilu, e va xanisekela, a to va rendekela ngu mhaka ya kuranda txitumelelano txakwe ni Abrahama, ni Isaake ni Jakobe; kha lava ku va khundumusa, kambe kha va tsotsha kule ni nene.

Genesisi 1:28

Se Txizimu txi to va katekisa, txi va gela ku kha txona: “Velekelani, mi txi anda, mi tala ha mafuni, mi txi ma fuma; fumelani sihaka sa linene, ni sinyana sa nzuma, ni sotshe sihari si si tsimbilako ha mafuni.”

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Genesisi 48:4

txi txi ni gela tiya: Ani ni na maha ti to u txi anda, ngu ngawe ani ni na tumbulukisa tihunzu ta tingi ta vathu, ditiko diya ni na di ningela ka liveleko lako, di txi va thomba ya lona kala kupinduka.

Levhi 26:15

ni kungako mi txi eyisa milayo yangu, moya wanu wu txi lamba sileleto sangu, miza mi txi hoka aha ko mbi xayisa mithetho yangu, mi funya txitumelelano txangu,

Dhewuteronome 7:13

se a na kuranda, a na kukatekisa, a na kumaha u anda, a na katekisa mihando ya mndani kwako, ni mihando ya mafu ako, mafaka ako, ni vhinya yako ya yiphya, ni mtona wako, ni sifuyo sako sa tihomu tako ta mikati, sifuyo sako sa sidotho, ka ditiko di a nga xambanya kuninga vatate vako.

Ezekhiyele 36:9

Nguko wonani taku ani ni ni nanu; ni na mi rendekela, mi na dimwa mi txi phaywa.

1 Vafumeli 3:8

Se txithumi txako txi hagari ka vathu vako, ava u nga va sawula; vathu vavangi, ava ti si kotekiko ku va bala, hambi mtengo wawe, ngu kutala kwawe.

Jeremiya 23:3

Ani nipune ni na sengeleta misalela ya tinvuta tangu, ti huma ngu ka otshe matiko amu ni nga ti hangalasa kona, ni txi ti tshumetela wudyiseloni ka tona; ti na veleka ti txi anda.

Jeremiya 23:4

Ni na emisa vadyisi txitimwi ka tona, ava va no ti dyisa. Kha ti na mbi ngadi ti thava, hambi kudhudhumela, kha ku na mbi pwateka ni ya yimweyo, kuwomba Mkoma.