Levhi 26:8 - Bhiblia Yo Sawuleka

⁸ Mtxhanu wa vathu va ka kwanu, va na tutumisa dizana, se 100 da va ka kwanu va na tutumisa 10.000; se valala vanu va na wiswa ngu ditxhari masoni kwanu.

Levhi 26:8 Referans Kwoze

Joxuwa 23:10

M'thu mmweyo hagari kwanu, a na tutumisa 1.000 wa valala, nguko Mkoma Txizimu txanu, ngene apune a mi lwelako, nga ti a nga mi thembisa.

Dhewuteronome 28:7

Mkoma a na ningela valala vako, vale va no kuwukela, ve dawa masoni kwako; va nata ngu nzila yimweyo kutalwa ni nawe, aniko va nata hangalaka ve thava ngu mtxhanu wa tinzila ni timbidi.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

1 Makronika 11:20

Se nene Abhixayi mwanawe wa Jowabhi, i ti mthangeli ka vale va vararu, wule a nga ndiwita mseve wakwe e daya 300 wa vavamna; se e mana nduma hagari ka vale va vararu.

Mitengo 14:9

Mi nga ti lambiseni mi wukela Mkoma, kambe mi nga thaveni vathu va ditiko diya, nguko vona va na va kudya kwathu; kha ku nga ho amu va no ya sisala kona, nguko Mkoma ana ni nathu; mi nga thave.

1 Makronika 11:11

Se mtengo wa tindena tile Dhavhidha a nga ti nato, ngu wuwa: Jasobheyami, Muhakimoni, mthangeli wa hombe wa tindena, awule mbimo yi a nga ndiwita mseve wakwe, a nga daya 300 wa vavamna ngu txikhati tximwetxo.

Levhi 26:7

Se mi na tutumisa valala vanu, avale va no dawa ngu matxhari a ditikoni kwanu.

Valamuli 15:15

Se a to mana lixaya lo nakana la mbongola, e nawuluta dianza dakwe, a txi li rola, e daya ngu lona 1.000 wa vavamna.

Esteri 9:16

Kambe Vajudha vamwani vale va nga ti ti maneka ka matiko a hombe a mfumeli va to sengeletana kasi kuve lwela wutomi wawe, se va to humula kuxaniswa ngu valala vawe; va date 75.000 wa valala vawe; kambe kha va handa txilo.

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Mitengo 31:4

Lihunzu ni lihunzu ka toshe tihunzu ta ka Israyeli, li na rumela 1.000 yimbini.