Levhi 26:7 - Bhiblia Yo Sawuleka

⁷ Se mi na tutumisa valala vanu, avale va no dawa ngu matxhari a ditikoni kwanu.

Levhi 26:7 Referans Kwoze

Levhi 26:6

Ni na ninga kudikha ditikoni; se mi na otela mi di tsani, kha ku na mbi va ni wa ku mi dhukisa; kambe ni na fuvisa sihari sa tshofu sa mafu, ni ti to ditikoni kwanu kha ku na mbi maneka ditxhari.

Levhi 26:8

Mtxhanu wa vathu va ka kwanu, va na tutumisa dizana, se 100 da va ka kwanu va na tutumisa 10.000; se valala vanu va na wiswa ngu ditxhari masoni kwanu.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Esteri 9:16

Kambe Vajudha vamwani vale va nga ti ti maneka ka matiko a hombe a mfumeli va to sengeletana kasi kuve lwela wutomi wawe, se va to humula kuxaniswa ngu valala vawe; va date 75.000 wa valala vawe; kambe kha va handa txilo.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Dhewuteronome 28:7

Mkoma a na ningela valala vako, vale va no kuwukela, ve dawa masoni kwako; va nata ngu nzila yimweyo kutalwa ni nawe, aniko va nata hangalaka ve thava ngu mtxhanu wa tinzila ni timbidi.

Joxuwa 23:10

M'thu mmweyo hagari kwanu, a na tutumisa 1.000 wa valala, nguko Mkoma Txizimu txanu, ngene apune a mi lwelako, nga ti a nga mi thembisa.

Valamuli 4:16

Bharake a to tutumisa vathu va yimbi kala Heroseti-wa-vamatiko. Dotshe dibutho da yimbi da Sisera di to xulwa, di txi khoziswa ngu ditxhari, ni wammweyo asi huluki.

Valamuli 7:23

Sekoko vavamna votshe va ka Israyeli, va ka Naftali, va ka Aseri, ni votshe va ka Manasi, va to patana va txi tutumisa Vamidhiyani.

Valamuli 15:15

Se a to mana lixaya lo nakana la mbongola, e nawuluta dianza dakwe, a txi li rola, e daya ngu lona 1.000 wa vavamna.

1 Samuwele 14:13

Sekoko Jonatani a to kwelela ngu mikondo yakwe ni manza akwe, kambe mrwali wa matxhari akwe e mu londisa ngu msana; se va to wa masoni ka Jonatani, se mrwali wakwe wa matxhari e va daya ngu msana kwakwe.

1 Makronika 19:15

Se mbimo yile vanana va ka Amoni va nga wona taku Vasiriya va tutumile, ni vona va to tutuma masoni ka Abhixayi, mwanawe wa Jowabhi, ve wulela didhoropani; kambe Jowabhi a to tshumela eya Jerusalema.

Masalmo 81:15

Ava va nyenyako Mkoma, va ndi na wiswa hahatshi masoni kwakwe ku abaniswa kwawe ku ndi nava ka malembe ni malembe.